Euskal enpresaren blog-a Zure enpresarentzat garrantzitsua den eguneroko informazioa

19 uztaila, 2017
Datuen ekonomiak 10 milioi enplegu sor ditzake 2020rako

Europan dagoeneko badira 225.000 enpresa sektore horretan lanean ari direnak.

 

Datuekin lotutako teknologiek eta, orobat, datuak biltzen, gordetzen, aztertzen eta interpretatzen dituzten enpresek 300.000 milioi euro inguru sortzen dituzte Europan. Datozen hiru urteetan baliteke zifra hori ia 740.000 milioi euroraino iristea, eta sektoreak 10,4 milioi lanpostu sortzea, 2016an baino 4,2 milioi gehiago. Datu horiek aipatzen dira Europako Batzordeak Merkatu Digital Bakarra lortzeko estrategiaren baitan egin duen European Data Market Study txostenean.

 

Dokumentu horretan aztertzen da nolako inpaktua izango duen datuen ekonomiak datozen urteetan Europar Batasunaren hazkunde sozio-ekonomikoan, eta hiru eszenatoki desberdin marraztu diren arren, denetan ikusten da enplegua eta enpresa-ehuna hazi egingo direla. 2016an 225.000 konpainia ari baziren datuekin lanean, baliteke 2020an 359.000 izatea, eta datuen teknologiarekin lotutako zerbitzu eta produktuak 106.000 milioi euroraino iritsi litezke epealdi horretan.

 

Txostenak dioenez, etorkizun hurbilean hiru eszenatoki ikusten dira. Lehenengoak jarraipena emango lioke egungo joerari, hazkunde moderatuarekin. Eszenatoki horretan, Gauzen Internet eta Cloud Computinga zabalduz gero, eskaera handituko litzateke eta politikek garrantzia hartuko lukete eskaintzaren garapenean, I+G eta ekintzailetza babestuz. Datuen industriako eskaera gradualki haziko da, bereziki teknologikoki aurreratuen dauden enpresen artean.

 

Bigarren eszenatokiak hazkunde handiagoa aurkezten du: berrikuntza digitalak paper indartsuagoa hartuko du, eta IKTetan eginiko inbertsioari esker, teknologia desberdinak konbinatzen dituzten (hala nola, Gauzen Internet, lainoko konputazioa eta big data) konponbide berriak sortuko dira. Eszenatoki horretan, eskaerak bultzatuko du aurrerapena, eta enpresei gero eta gehiago interesatuko zaie eraldaketa digitalarekin bat egitea. Zirkulu birtuosoaren ekosistema deitzen zaio horri, eta bakarrik gerta liteke teknologien zabalkundeak erritmo bizia badu, araudiak berritzen badira, eta ETEek ere bat egiten badute digitalizazio prozesuarekin.

 

Hirugarren eszenatokiak motelaldia erakusten digu; hori gertatuko litzateke, baldin eta ez bada testuinguru makroekonomiko egokirik ematen Merkatu Digital Bakarra sustatzeko 2020a baino lehen. Ingurune horretan, teknologia bera izango da motor nagusia, baina eskaera ahula izango da oso. Zirkulu txiki bateko kideek bakarrik barneratuko dituzte berrikuntzak, eta hazkunde-maila motelagoa izango da, mugatu egingo duelarik eraldaketa digitalaren inpaktu potentziala.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?