Euskal enpresaren blog-a Zure enpresarentzat garrantzitsua den eguneroko informazioa

13 martxoa, 2017
Bizitza xake taularen bigarren erdian

Hitzaldiaren helburua da aurrerapen teknologikoak izango dituen ondorioak ulertzea.

Barak Berkowitz-ek hitzaldi bat emango du Donostian azelerazio teknologikoaren inpaktuari buruz.

 

Gordon E. Moore-k, Intel enpresaren fundatzaileak, hauxe esan zuen 1965ean: “12 hilerik behin bikoiztu egingo da mikro-prozesagailu baten barruko transistore kopurua, eta hazkunde esponentziala izango du”. Moore-n Legea deitzen zaio baieztapen horri. Egileak birformulatu egin zuen hamar urte geroago, esanaz hazkundea 24 hilabeterik behin emango zela, eta legea bete egin da azken 50 urteotan. Joera horren ondorioz, ordenagailuen prozesatzeko gaitasuna hazi egin da beren tamaina eta prezioa murriztu diren erritmo berean.

 

Datorren martxoaren 22an, Barak Berkowitz-ek (MITeko Operazio eta Estrategia zuzendariak) Bizitza xake taularen bigarren erdian izeneko hitzaldia emango du Gipuzkoako Zientzia eta Teknologia Parkean. Paralelismo bat eginaz mahai-joko horren asmatzailearen legendarekin, Berkowitz-ek bere hitzaldian azalduko du nola egokituko garen teknologien aurrerapen esponentzialera datozen hamarkadetan.

 

Berkowitz-ek hizpide izango du azelerazio teknologikoak gizartean eta antolakundeetan duen inpaktua eta nola aldatu behar dugun berrikuntza ulertzeko modua. Horretarako, erreferentzia bezala hartuko du Erik Brynjolfsson eta Andrew McAfee-ren The Second Machine Age liburua. Liburu horretan, egileek etorkizun hurbil bat marrazten dute, non makinak gu baino adimendunagoak izango baitira, eta gogoeta egiten dute jakiteko zer egin dezakegun errealitate horri egokitzeko.

 

Hitzaldiaren helburua da aldaketa teknologikoek gizartean eta ekonomian izango dituzten inplikazioak ulertzea, aldaketa horiek kudeatzera zuzendutako estrategiak eraikitzeko. Barak Berkowitz MarketCentrix enpresako fundatzailea da, eta baita ere Bind 4.0, Industriarako nazioarteko startup azeleragailuaren (Eusko Jaurlaritzako Ekonomi Garapen eta Azpiegitura Sailak garatua SPRI Taldearen bitartez) tutore taldeko kidea.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?