Binary Soulek larrialdietako taldeak digitalizatzearen eta baliabideak aurreztearen alde egin du

Binary Soulek 2014tik soluzio pertsonalizatuak eskaintzen dizkie sektore guztietako enpresei, teknologiaren eta digitalizazioaren bidez eraginkortasuna hobetzeko. Bideo-jokoak dira enpresa gazte honen nortasunaren funtsezko elementua; izan ere, ‘Game thinking’ -aren eta gamifikazioaren bidez, jokoaren osagaia oso kontuan hartzen duten soluzio teknologikoak diseinatu eta garatzen ditu, horren onurak edozein ingurunera egokitzeko, hala nola industriara, administrazio publikora edo osasunera.

Hain zuzen ere, haren proiektu berriak azken sektore horretan jarri du arreta, zehazki, larrialdietako taldeetan, hala nola euskal osasun-sistemari euskarria ematen dioten anbulantzietan. Santiago Córdoba Binary Souleko CEOaren arabera, “pandemia bezalako egoera konplexu batean ari dira lanean horiek eta denbora eta baliabideak aurreztea erabakigarria da pazienteei ematen zaien zerbitzua optimizatzeko”.

Hori horrela, enpresak inprimakiak digitalizatzeko aplikazio bat sortu du, prozesu hori bizkortzeko eta, beraiek azaltzen dutenez, “ez bakarrik denbora aurrezteko”, baita honako onura hauek guztiak sortzeko ere: “Papera ahalik eta gutxien erabiltzea, galdetegien zati komunak errepikatzea kenduz denbora aurreztea, horiek biltegiratzeko espazio fisikoaren beharra ezabatzea, bai eta informazioa galtzea ekiditea ere, papera betetzerakoan letra irakurtezina den kasuetan eta baita papera denboraren poderioz hondatzen denean”.

Hori guztia lortzen du Binary Soulek, erabiltzaileen (anbulantzien) eta pazienteen datuak eta osasun-zentroen egitura (txandak, etab.) baliozkotzeko aukera ematen duen software bat garatuz. Gainera, bere irtenbideetan ohikoa den bezala, programa multiplataforma da, hizkuntza eta erabiltzaile anitzekoa, responsive-a (moldagarria) eta, gainera, erantsi du Cordobak, “bereziki segurua da, garrantzi handia eman baitiogu alderdi horri; izan ere, jakin badakigu datuen kudeaketa eta pribatutasuna funtsezkoak direla zerbitzu mota horietan”.

Garatutako plataformak parteen edukia automatikoki iraultzen du sistema informatikora, eta kopiak pazienteari eta ospitaleei bidaltzen dizkie. Horrela, informazio-fluxu bat sortzen da denbora errealean. Baina, gainera, horrelako zerbitzuen elementu kritiko bati zuzenean erasotzen dion beste funtzio bat ere kontuan hartzen du: konexiorik eza. “Hainbatetan, sarerako konexiorik ez duten egoeretan egoten dira osasun-arreta mugikorreko taldeak. Horregatik plataforma gaitu dugu egoera honetan bere funtzionamendua geldi ez dadin”, azaldu du Binary Souleko CEOak.

Ideia hori larrialdietako ekipoetan jarri da martxan, baina osasun-sektorea ez da aplikazio berri horren onuradun bakarra, “hau lehen urratsa besterik ez da, tresna inprimakiak behar dituen edozein enpresaren digitalizazio-beharrak betetzera deitua baitago, hala nola ezbeharren parteak, establezimenduetako mantentze- edo segurtasun-prozedurak edo zerbitzu-enpresetako altak eta bajak”, gaineratu du Cordobak.

SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.

Lotutako albisteak

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

9 apirila, 2024 Berrikuntza

STEM unibertsoan emakumeen talentua sustatzera bideratutako saio batean parte hartu du SPRIk

Irakurri gehiago

Joan blog-era