Euskal enpresaren blog-a Zure enpresarentzat garrantzitsua den eguneroko informazioa

26 urria, 2017
BIMEk bultzada bat ematen dio emakumeek musikaren industrian duten paperari

Kongresua Europako Keychange programako bazkideetako bat da.

Kongresua Europako Keychange programako bazkideetako bat da.

 

Egun hauetan Bilbao Exhibition Centre-n egiten ari den BIME Pro-Musikaren Industria eta Teknologia Berrien topaketaren barruan, jardunaldi bat antolatu da sektoreko emakumeen ikusgarritasuna sustatzeko. Kongresu horretan aurkeztu dira Keychange ekimena eta MIM-Musikaren Industriako Emakumeen elkartea.

 

Nahiz eta emakume ugari dauden musika eskoletan eta prestakuntza zikloetan, gizonezkoak dira nagusi musikaren industrian. Keychange ekimena bultzatu duen PRS Foundationek emandako datuen arabera, autore eta konposatzaileen %20 baino ez dira emakumezkoak, eta presentzia txikiagoa dute musika egitarau eta jaialdietan. Bestalde, teknikarekin edo lidergoarekin lotutako paperetan, ordezkaritza are txikiagoa dute.

 

Horregatik, Britainia Handiko fundazio horrek Keychange proiektua jarri du martxan, 200.000 euroko aurrekontuarekin eta Europar Batasunaren laguntzarekin (Creative Europe ekimenaren bitartez). BIME da programa horretako bazkideetako bat, zeinak helburutzat baitauka sektoreko emakumezko sortzaile eta ekintzaileen talentuan inbertitzea. Horretarako, finantza-laguntza emango du sorkuntza proiektuetarako eta beste emakumezko profesional berritzaile batzuk osatzen duten sare zabalarekin lan egin ahal izateko. Halaber, ekimen honek aukera ematen die aukeratutako emakumezko sortzaileei Keychange ekimeneko jaialdietan parte hartzeko. Programaren lehen ediziorako Estonia, Alemania, Islandia, Espainia, Suedia, Kanada eta Erresuma Batuko 30 artista eta 30 berritzaile aukeratu dira.

 

BIME Pro kongresuan aurkeztu dira Keychange programa eta Estatutik parte hartuko duten 10 profesionalak. Europako proiektu batean parte hartzen duenez, BIME jaialdiak Keychange programaren lehen edizioan aukeratutako emakumezko artista batzuk sartuko ditu datorren urteko egitarauan eta sektoreko emakumezko ekintzaileek hitzaldiak emango dituzte BIME Pro programaren barnean.

 

Kongresuan eztabaidarako espazio bat ere egin da, MIM elkarteak bultzatuta. Musikaren Industriako Emakumeen elkartea 2016an sortu zen, sektorean lan egiten duten emakumezko profesionalei ikusgarritasuna emateko ikuspegi desberdinetatik. Bi mahai-inguru egin dira, eta gai hauexek landu dituzte: teknikari eta produkzio postuetan dagoen emakume eskasia, eta musikaren industriako ekitaldi eta jaialdietan gizon eta emakumeen presentzia orekatuagoa lortzeko estrategiak.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?