Euskal enpresaren blog-a Zure enpresarentzat garrantzitsua den eguneroko informazioa

27 abendua, 2017
Bilbok Global Game Jam 2018 jardunaldian parte hartuko du

Topaketa hori urtarrilaren 26tik 28ra egingo da Azkuna Zentroan
Global Game Jam ekimenaren logoa.

 

Topaketa hori urtarrilaren 26tik 28ra egingo da Azkuna Zentroan

Global Game Jam jokoak sortzeko 48 orduko maratoi bat da eta urtero egiten da munduan barrena dauzkan egoitzetan. Ekitaldi horretan elkarrekin batzen dira bideojokoetan interesatutako profil desberdinetako pertsonak, sormena, berrikuntza eta lankidetza sustatzeko.

 

Bilbon egongo da topaketaren egoitzetako bat, Azkuna Zentroan, eta izena emateko epea zabalik dago jadanik. Inskripzioa dohainik da. Ekitaldia, eta Global Game Jam osatzen duten topaketa guztiak, profil oso anitzei zuzenduta daude, helburua baita diziplina anitzeko taldeak sortzea. Hala, jokoak sortzeko maratoi horretan parte har dezakete sektore askotako (programazioa, artea, zientzia…) pertsonek, eta baita ere bideojokoak atsegin dituen eta taldean lan egin nahi duen edonork. Gainera, ez da talde osatu bat behar izena emateko, jam horren lehen zatian gune bat egongo baita ideiak plazaratu eta lantaldeak sortzeko.

 

Urtero bezala, jokoak gai zehatz baten inguruan sortu beharko dira, eta maratoiaren hasieran adieraziko da zein den gai hori. Hortik aurrera, lantaldeak sortuko dira eta parte-hartzaileek 48 ordu izango dituzte ideia proiektu zehatz bihurtzeko. Bukatutakoan, Global Game Jam plataforman argitaratuko dira sorkuntza guztiak, Creative Commons lizentziak erabiliz.

 

Ekimena 2009an sortu zen, eta harrezkero mundu osora zabaldu da, dagoeneko badituelarik 36.000 parte-hartzaile, 700 egoitza eta 7.000tik gora joko berri. Boluntario talde txiki batek bultzatzen du proiektua, baina egoitza bakoitzeko maratoia tokian tokiko boluntarioek antolatzen dute. Topaketetan ez da lehiakortasuna bultzatzen, game jam horien helburu nagusia baita esperimentazioa eta lankidetza sustatzea, berrikuntza bultzatzeko bideojokoen sektorean.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?