Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 27 ekaina, 2018 Digitalizazioa Enpresa digitala

BilbaoDynamics enpresak ingeniaritzaren alderako interesa piztu nahi du gazteen artean

Proiektuak IKT Aplikatuaren saria jaso zuen Teleko Gaua 2018 ekitaldian.

 

Proiektuak IKT Aplikatuaren saria jaso zuen Teleko Gaua 2018 ekitaldian

UPV/EHU Telekomunikazio Ingeniaritzako ikasleek osatzen dute BilbaoDynamics elkartea. Eurek sortu zuten ekimen hori duela 4 urte, robotikan eta teknologia berrietan zeukaten interesak bultzaturik. Bere helburua da zientzia eta teknologiarako bokazioak piztea gazteen artean, eta horretarako antolatzen dituzte Lehen eta Bigarren Hezkuntzako eta Batxilergoko neska-mutilei zuzendutako tailer eta ikastaroak.

 

“Ikusten genuen Unibertsitatean zerbait falta dela, hezkuntza-sistema atzean gelditu dela abiadura bizian doazen teknologien aldean” azaldu du Jose Luis Unibasok, BilbaDynamics elkarteko fundatzaile eta presidenteak. Horregatik hasi ziren robotikako ikastaroak diseinatzen metodologia ludiko bat erabiliz, gazteak ere mundu horretara hurbildu zitezen. “Robotikak ingeniaritzaren adar ia guztiak barne hartzen ditu, beraz denetarik egiten dugu: elektronika, programazioa, Gauzen Internet, sareen arkitektura…”.

 

Lantaldeak hainbat robot hezitzaile diseinatu ditu jardueretan erabiltzeko, eta egokitu egiten dituzte, kontuan hartuta zerk funtzionatzen duen ongien neska-mutilekin. Robot horiek eraikitzeko teknologia libreak eta material irekiak erabiltzen dituzte, hala, edonork erabil ditzake robotikaz pixka bat jakinez gero. BilbaDynamics elkartearen hurrengo ekintza Udako Campusa izango da, uztailean zehar egiten dena. Hiru astez hainbat ikastaro eta tailer egingo dira robotikari, bideojokoei eta teknologiei buruz, ikuspegi erabat praktikotik abiatuta.

 

Halaber, datozen bi ikasturteetarako helburua da teknologiarako bokazioak sustatzea nesken artean, ikusi baitute genero etena dagoela adin tarte batetik aurrera. Nahiz eta portzentajea %50ekoa den 12 eta 14 urte bitarteko tailerretan, unibertsitatera iristean nesken %10ak bakarrik aukeratzen dute ingeniaritza bat. “Badago zerbait gaizki dagoena, ingeniaritza sektoreetan jende asko behar da eta biztanleriaren erdia galtzen ari gara; zerbait aldatu beharra dago”.

 

BilbaoDynamics elkarteak laguntzailetzat ditu Euskal Herriko Telekomunikazio Elkargo Ofiziala eta UPV/EHU. Joan den ekainaren 12an elkarteak IKT Aplikatuaren saria jaso zuen teknologia berriei buruzko Teleko Gaua 2018 ekitaldian.

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak