Euskal enpresaren blog-a Zure enpresarentzat garrantzitsua den eguneroko informazioa

5 iraila, 2017
App bat euskara atsotitzen bidez ikasteko

Esaera Zaharrak aplikazioa doakoa da, eta 250 esalditik gora dauzka.
Joel Barnes Esaera Zaharrak jokoarekin.

Esaera Zaharrak aplikazioa doakoa da, eta 250 esalditik gora dauzka.

 

Hizkuntza batekin lotutako tradizioak eta kultura atsotitzen bitartez aztertu daitezke, eta baita ere erabil ditzakegu hiztegia eta sintaxia modu atseginagoan ikasteko. Horregatik, MasterKey Games startupak sakelakoentzako joko berri bat garatu du, zeinak euskarazko atsotitzak baliatzen baititu euskara ikasi eta praktikatzeko.

 

“Ezkur urte, elur urte” edo “Dirua, morroi ona, baina nagusi txarra” bezalako esaerak bildu dituzte aplikazioan, guztira 250 baino gehiago, eta jokalariek ahalik eta denbora laburrenean eraiki behar dituzte atsotitzak, puntuak lortzeko. Oso formatu sinplea du, enpresak berak hizkuntzak ikasteko garatu izan dituen aplikazioetatik ateratakoa.

 

“Lehenagotik ere badugu ingelesezko esaldiak eta esaera zaharrak biltzen dituen aplikazio bat, beraz, zergatik ez atera beste bat euskaraz? Oso hizkuntza zaharra da, aberatsa atsotitzetan, eta esaera horiek lagungarri dira esaldiak egituratzen ikasteko, hau da, aditza edo izenordaina non jarri behar den jakiteko…” azaldu du Joel Barnesek, MasterKey Games startuparen sortzailekideak eta ikasgeletan 14 urtetik gorako esperientzia duen ingeleseko irakasleak. “Esaera Zaharrak opari bat da urtetan zehar hain harrera ona egin digun euskal komunitatearentzat”. Imanol Fernández ingeniari informatikoak zuzentzen du enpresaren alderdi teknologikoa, berau ere MasterKey Games startuparen sortzailekidea.

 

Esaera Zaharrak eskuragarri dago Android eta iOS dispositiboentzat, eta 2015ean sortutako startup honen hirugarren garapena da. Sentence Master eta Preposition Master dira aurreko biak, zeintzuen helburua baita ingelesa jokoaren bidez ikastea, eta lehenengoak baditu dagoeneko 120.000 deskarga inguru. “MasterKey Games enpresa sortzeko ideia otu zitzaigun, ikasgeletan hainbat urtez lan egin ondoren ikusi genuelako hizkuntzak ikastean sortzen diren arazo asko joko sinpleekin konpon daitezkeela” azaldu du Joel Barnesek, “jendeak praktikatuz ikasten du, beraz, guk ez ditugu edukiak digitalizatzen, baizik eta aplikazioak egiten ditugu ikasleek eurek edukiak sor ditzaten”. Gaur egun lantaldeak hizkuntzen ikaskuntzarako bost joko gehiago dauzka eskuartean, eta datozen hilabeteetan merkaturatzea espero dute.

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?