Euskal enpresaren blog-a Zure enpresarentzat garrantzitsua den eguneroko informazioa

3 urria, 2017
Abian da BiscayApp lehiaketaren beste edizio bat

Silver economy, energia, datuen analisia eta 4.0 Industria izango dira lehiaketako gai garrantzitsuenak.

 

BiscayApp sarien helburua da ekimen teknologiko berriak sortzen laguntzea garapen-potentzial handiena duten sektoreetan. Horregatik, lehiaketak beste edizio bat abiarazi du Bizkaiko lau sektore estrategikorekin zerikusia duten aplikazio mugikorrentzat. Proiektuak aurkezteko epea zabalik dago jadanik, eta irekita jarraituko du datorren urteko ekainera arte.

 

Bizkaiko Foru Aldundiak bultzatzen du lehiaketa hori, BiscayTIK Fundazioa, BEAZ eta Seed Capital erakundeen laguntzarekin. Epaimahaiak 2.000 euroko saria emango die lau kategoria hauetako aplikazio onenei: Silver Economy, Data Intelligence, Energia eta Manufaktura Aurreratua. Gainera, irabazle absolutu bat ere izendatuko da, zeinak 10.000 euro jasoko baititu, eta baita ere BEAZ, Seed Capital eta BiscayTIK erakundeen laguntza, bere garapenarekin jarraitu dezan.

 

Kategoria bezala aukeratu dira negozio-ideia berritzaileak sortzeko aukera handiak dituzten sektoreak. Silver Economy edo Zilarrezko Ekonomiak erreferentzia egiten die pertsona nagusientzat diseinatutako produktu eta zerbitzuei; sorta zabal bat da, zeinetan sartzen den elikadura, mugikortasuna eta, besteak beste, turismoa. Data Intelligence kategoriak bere baitan hartzen ditu datuen analisian oinarritutako negozio-ereduak, eta Energia kategoriak, berriz, joera sostengarrienak, hala nola, energia berriztagarrien erabilpena, kudeaketako hobekuntzak edota araudi aldaketak. Azkenik, Manufaktura Aurreratuaren kategorian 4.0 Industriarekin lotutako proiektu berriak sartzen dira.

 

BiscayApps lehiaketako epaimahaiak aplikazio onenak aukeratuko ditu, hainbat irizpide hartuko dituelarik kontuan: usagarritasuna, funtzionaltasunak, bideragarritasun ekonomikoa, erabilgarritasun soziala eta berrikuntza gradua. Datorren urteko irailean jakinaraziko da zeintzuk diren proiektu finalistak, eta sari-banaketa ekitaldia 2018ko urrian egingo da, BiscayTIK Fundazioaren hamargarren urteurrenarekin batera.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?