Euskal enpresaren blog-a Zure enpresarentzat garrantzitsua den eguneroko informazioa

17 uztaila, 2017
Abian da AzPlay Jaialdiaren 8. ediziorako deialdia

Proiektuak aurkezteko epea zabalik dago irailaren 14ra arte.

 

AzPlay, Bideojoko Independenteen Nazioarteko Topaketak zabaldu du jaialdiaren zortzigarren ediziorako deialdia. Aurten azaroaren 28tik abenduaren 3ra egingo da, Bilboko Azkuna Zentroan. Topaketak azken urteko bideojoko orijinal eta berritzaileenak sarituko ditu, ikusgarritasuna emanaz garatzaile berriei eta sorkuntzarako duten potentzialari.

 

Sariak, bakoitza 5.000 eurokoa, bost kategoriatan banatuko dira: ideia orijinal onenarena, ikusizko artearena, soinu-musikarena, jokagarritasunarena eta Euskadiko bideojoko onenarena. Gainera, bideojoko finalisten artetik bi aukeratuko dira Nordic Game Discovery Contest 2018 lehiaketan parte hartzeko. Ekitaldi hori Europako liderretako bat da sektorean, eta aurtengo edizioa maiatzean egin zen Malmö hirian.

 

Oinarriek diotenez, parte hartu nahi duten bideojokoek 2016ko urriaren 1az geroztik argitaratuak izan behar dute, eta independenteak izan behar dute, hau da, pertsona edo talde txikiek sortuak, banatzaileen finantza arloko laguntzarik gabe. Sorkuntzen gaia edo generoa librea da, eta hainbat gailutarako (ordenagailu pertsonaletarako, kontsoletarako edo dispositibo mugikorretarako) diseinatu daitezke.

 

AzPlay jaialdiak iraungo duen egunetan bideojokoekin loturiko hainbat jarduera antolatuko dira, hala nola ikastetxeentzako tailerrak eta proiektu-aurkezpenak. Horrez gain, bertaratuek aukera izango dute joko finalistak probatzeko horretarako beraizik prestatutako gune batean. Azken zazpi edizioetan jaialdiak 40.000 lagun inguru bildu ditu, bost kontinenteetako 750 proiektutik gora jaso ditu eta 220.000 euro banatu ditu saritan.

 

AzPlay proiektuak ekimen gehiago ere antolatzen ditu urtean zehar, Euskadiko bideojoko independenteak sustatu eta ikusarazteko. Esaterako, aipatzekoak dira hiru hilerik behin antolatzen diren AzPlay Q topaketak (datorren irailean hirugarren edizioa egingo da) eta Azkuna Zentroko mediatekan dagoen Joku Play joko-gune iraunkorra.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?