Euskal enpresaren blog-a Zure enpresarentzat garrantzitsua den eguneroko informazioa

1 ekaina, 2017
Enpresen %56k diote digitalizazio-maila altua dutela

 

Zuzendari nagusia eraldaketa prozesuaren lider bihurtu da.

Estatu mailan enpresek hobetu egin dute beren digitalizazio-maila diru-sarrerak handitzeko asmoz; enpresen %68ren kasuan, zuzendari nagusia izan da aldaketa hori bideratu duena, prozesuaren lider bihurtu delarik. Horra PwC aholkularitzaren 10ª Encuesta Mundial sobre el Coeficiente Digital de las Empresas txostenean jasotako datu batzuk.

Zuzendaritza eta IT sailetako arduradunen %56k adierazi dute beren enpresen digitalizazio-maila altua edo oso altua dela. Zifra hori 11 puntu hazi da 2015eko portzentajearekin alderatuta, eta hala, Espainiako enpresak munduko batez bestekoaren gainetik kokatu dira, %52an hain zuzen. Bestalde, zifra globala 15 puntu jaitsi da epealdi berean, eta txostenaren arabera, bi arrazoiri zor zaie jaitsiera hori. Batetik, enpresek hobeto ulertzen dute digitalizazio-prozesuak enpresa osoa barne hartzen duela, eta ez bakarrik teknologia saila, beraz, eraldaketa konplexuagoa da. Bestetik, teknologia berriak etengabe agertzen ari dira, eta hortaz, zailagoa da teknologia horiek barneratzea.

Inkestak dioenez, enpresek eraldaketa digitaleko prozesuari ekiten diote batez ere –%82k- errentagarriago izateko, eta baita ere bezeroaren esperientzia hobetzeko edo kostuak murrizteko. Disrupzioa bera ez da helburu bat, nahiz eta digitalizazioari esker negozio-eredu berriak ari diren agertzen sektore guztietan. Estatu mailan, hauek dira teknologia digital berriak aplikatzeko oztopo garrantzitsuenak: lehendik dauden teknologiekiko integrazio eza eta enpresa barruko prozesuen moteltasuna. Oro har, inbertsioak IT arlora zuzentzen dira gehienbat –guztizkoaren %27-, eta atzetik datoz marketin departamendua (%16), operazio saila (%15) eta salmenta departamenduetan egiten den inbertsioa (%12).

Azkenik, inkestak dio top performer deituriko enpresak direla estrategia digital garatuena dutenak, hau da, azken 5 urteotan %5etik gorako hazkundea izan dutenak diru-sarreretan eta datozen 3 urteetarako ere antzeko hazkunde perspektibak dituztenak. Gainera, horrelako enpresa gehienek lehentasuntzat dute berrikuntzak egitea teknologia disruptiboak erabiliz eta erdiak baino gehiagok badituzte lantaldeak berrikuntzan bakarrik jarduteko.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?