Euskadi+innova Azala

Eusko Jaurlaritzak kontsulta bat egin nahi die alderdi interesdun guztiei hainbat guneri buruz (enpresa jarduerako guneak eta populazio guneak), zeinetan, dagoen informazioaren arabera, ez baitago belaunaldi berriko banda zabaleko zerbitzurik (NGA sareak), ezta datozen hiru urteetan hori egoteko aurreikuspenik; ondorioz, "NGA gune zuritzat" har litezke, Estatuak 2019an gune zurietan NGA sareen estaldura zabaltzeko proiektuak egiteko ematen dituen laguntzen ondorioetarako.

Kontsultaren helburua da, beraz, interesa dutenei justifikazioa eskatzea, baldin eta uste badute kontsultan sartu diren guneetakoren bat ezin dela NGA gune zuritzat hartu, bai gaur egun horrelako zerbitzuak badituelako, bai hiru urteko epean, inbertsio plan sinesgarrietan oinarrituta, horrelakorik izango duela aurreikusten delako.

Kontsulta publikoari emandako erantzunak 2019ko uztailaren 3ra arte bidali ahal izango dira, posta elektroniko bidez, bandazabala@spri.eus helbidera.

Edozein zalantza helbide horretan bertan azaldu daiteke, edo telefonoz deituta, 944037000 (Iñaki Suarez / Javier Mugica).

Informazio gehiago:

• Populazio guneen kontsulta fitxak
• Enpresa jarduera duten guneen kontsulta fitxak
• Populazioen eta enpresa jardueren datuen koadroak
• ZIP fitxategiak GIS kartografiarekin (1)
• ZIP fitxategiak GIS kartografiarekin (2)

Talentua erakartzeko tresna digitalak: employer branding

Talentua duten pertsonak erakartzea eta atxikitzea arazo larria bihurtu da mota guztietako erakundeentzat, eta, ondorioz, enplegu-emaile markaren irudia sortu beharrean daude enpresak. Horregatik, enplegua ematen duten pertsonek beren izaera berritzailea transmititu nahi dute, kultura korporatiboa zabaldu eta hautagaiei konpainiaren irudi atsegin bat eman.
2019/05/30 | Zamudio (Bizkaia)

Adimen Artifizialaren erabilpen praktikoak Industriagintzan nahiz Zerbitzugintzan

Jardunaldiaren helburuak honako hauek izango dira: - Adimen Artifizialeko tresneria aurkeztu. - Adimen Artifizialaren erabilpen praktikoak Industriagintzan nahiz Zerbitzugintzan aurkeztu. - Erabilpen horietan eman izan diren ondorioak, mugak eta oztopoak azaldu. - Adimen Artifizialeko teknologien bilakaera buruzko ikuspegiak eskaini, dela erabilpen mailatan, dela teknologiatan ere. - SPRIko "Enpresa Digitala" izeneko programaren bitartez Adimen Artifizialeko industri- erabilpenak bultzatzeko abian jarriko dituen diru-laguntza berrien azalpena.
2019/05/31 | Arrasate/Mondragón (Gipuzkoa)