Helburuak
2004ko ekitalditik hona, Eusko Jaurlaritzak, SPRI eta EJIEren bitartez, Informazio Teknologien erabilerari buruzko 2 orduko prestakuntza ikastaroak ematen ditu autonomo eta mikroenpresentzat.
Egitasmo horren helburu nagusietako bat da enpresen lehiakortasuna hobetzea, informazioaren eta komunikazioaren teknologia berrien erabilera bultzatuz eta, aldi berean, sarean negozio berriak garatzen laguntzea, ekonomia berriaren profesionalak gaitu eta haiei babesa emanez, eta, hori guztia, hazkunde ekonomikoaren faktore bereizgarri gisa.
Mikroenpresa Digital@-tik hainbat ikastaro planifikatzen dira hilero; horiei plangintza orokorra esaten diegu, baina bestelako gai eta ikastaroak ere badaude, hainbat Behargintzak, Dendari Elkartek eta abarrek eskatuta antolatzen direnak.
