Tramite Telematikoak eta Ziurtagiri Digitalak (ONLINEKO WEBINARRA))
Ikastaroan administrazioarekin tramite telematikoak egiteko izan behar ditugun tresnak eta nola konfiguratu ezagutuko duzu, baita ere euskal administrazio publikoetan egin daitezkeen tramite nagusiak ere.
Helburuak
Parte hartzaileei, alde batetik, euskal administrazioarekin tramite telematikoak egiteko zer behar dugun ezagutaraztea, IZENPE zer den eta nola konfiguratu gure ekipoak.
Beste aldetik, Euskal Administrazio Publikoetan erabilgarri dauden tramitazio telematiko nagusiak errepasatuko ditugu, Eusko Jaurlaritzan eta ikastaroa kokatzen den Udalean zentratuta. Alderdi praktikoak ere landuko dira, hala nola nola Administrazio Publikoari nola fakturatu elektronikoki.
Edukia
- Administrazio elektronikoaren sistemaren baldintza orokorrak.
- Ziurtagirietarako tresnak: IZENPE, Ziurtagiri Digitalak, Sinadura elektronikoa eta NANe. Zer diren eta gure ekipoa nola konfiguratu eta prestatu.
- Herritarrentzako ziurtagiriak:herritarren ziurtagiria eta B@k
- Enpresarako ziurtagiria: erakundea ordezkatzeko ziurtagiria, erakundearen zigilua.
- Beste ziurtagiri batzuk: Zerbitzari Seguruaren SSL ziurtagiriak,ziurtagiri korporatiboak...
- Sinadura tresnak
- Administrazioaren zerbitzuen katalogoa: Eusko Jaurlaritza, Diputazioak eta Udalak (ikastaroa ematen den Kzgunearen kokapeneko tramiteak zehaztuko dira)
- Fakturazio elektronikoa: baldintza teknikoak eta formalak
- eF4ktur
Norentzat
Interneten eta bere tresnen erabilera erraz eta dohainik ikasi nahi duten mikro-enpresentzat edo autonomoentzat.
NOLA SARTU ONLINE WEBINARRERA?
Gure ikastaro guztiak ZOOM plataformaren bidez emititzen dira. Ikastaroaren bezperan, mezu elektroniko bat jasoko duzu esteka eta sarbide argibideekin.
Gogoratu ikastaro honetara Mikroenpresa Digitala webgunearen bidez aurretik izena eman duten pertsonek baino ezin dutela sartu eta bertan lekua berretsita izan behar dela.
