Euskal enpresaren blog-a Zure enpresarentzat garrantzitsua den eguneroko informazioa

22 uztaila, 2015
ULMAk 314 milioiko finantzaketa-akordioa sinatu du nazioarteko hedapena sendotzeko

Talde kooperatiboak Gipuzkoako Oñati herrian finkatuta dago

ULMA Taldeak 314 milioi euroko finantzaketa-akordioa lortu du banka sektorearekin datozen lau urteotarako, inbertsio berriak bideratu eta nazioarteko hedapen-estrategia sendotzeko asmoz.

Eragiketa honek bi ardatz ditu: sei urteko epea duen 150 milioi euroko mailegua eta bi urteko zirkulatzaileari zuzendutako hainbat finantzaketa-ildo, 164 milioi euroko guztizko balioa dutenak.

Akordioa berrikitan sinatu dute euskal industria taldeak eta Santander, BBVA, Popular, Sabadell, Caixabank, Laboral Kutxa, Bankinter eta Nafarroako Rural Kutxa erakundeak partaide dituen banku-poolak.

Azken 5 urteotan, ULMAk egitura finantzarioa sendotu eta zorpetzea murriztea xede duen estrategia garatu du. Oraingo finantzaketaren bidez, konpainiak behar bezalako erantzuna eman nahi die negozio-garapenaren arloan dituen beharrizanei.

Gipuzkoako Oñati herrian finkatuta dagoen talde kooperatiboak 4.350 langile ditu eta zortzi negozio-unitate biltzen dituen jarduera garatzen du, arkitektura, eraikuntza, logistika eta beste hainbat sektoreri zuzendutako soluzioak barne hartuta.

Konpainiak 666 milioi euroko salmenta bateratuak izan zituen 2014an, produktu nahiz zerbitzuetan, eta horietatik 513 milioi (salmenta guztien % 77) nazioarteko merkatuei dagozkie.

Taldeak 2015eko salmenta bateratuak 719 milioi euroraino igotzea aurreikusi du, % 8ko gehikuntzaz. Kopuru horretatik, konpainiak iragarri duenez, 565 milioi nazioarteko merkatuetakoak izango dira, hots, salmenta guztien % 80.

Dimentsio Empresariala – ULMA Taldea

Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?