Euskal enpresaren blog-a Zure enpresarentzat garrantzitsua den eguneroko informazioa
28 martxoa, 2017

Sorgailu fotovoltaiko eraginkorragoak

Vitoria - Gasteiz 23-03-2017. Fotografías de entrevista a Oscar Barambones, profesor de Ingeniería de Sistemas. Escuela de Ingenieros. Nuria González

Oscar Barambones, UPV/EHUko ikertzailea

UPV/EHUk eguzki-panelen eraginkortasuna optimizatzea ahalbidetzen duen kontrol-sistema bat garatu du

 

Euskal Herriko Unibertsitateko (UPV/EHU) ikertzaileek sorgailu fotovoltaikoen eraginkortasuna optimizatu eta, aldian aldiko erradiazio eta karga baldintzen gainetik, une oro potentziarik handienean jardutea ahalbidetzen duen kontrol-sistema elektroniko bat garatu dute.

 

UPV/EHUko Sistemen Ingeniaritza eta Automatika Saileko Kontrol Aurreratuko Taldeak garatutako metodoak jarduera-puntu egokian lan egiteko aukera ematen die eguzki-panelei, eguzkitik hartutako errazio-mailaren eta sistemari konektatutako kargaren arabera egokituz.

 

“Kontrol mota berritzaile eta adimenduna da, guztiz sendoa inguruneko baldintza aldakorren aurrean. Gainera, probak panel fotovoltaiko komertzialekin egin ditugunez gero, sektorean zuzen-zuzenean aplika liteke”, adierazi du taldeko Oscar Barambones ikertzaileak.

 

Garatutako sistemak sorgailu fotovoltaikoen eraginkortasuna hobetzen du, egungo kontrol-prozeduren aldean. “Egungo sistemetan, perturbazioa/behaketa estiloko algoritmoak erabili ohi dira, eta horren ondorioz, sorgailu fotovoltaikoaren jarduera-puntua etengabe aldatu ohi da, puntu optimo zehatzean lan egiteko aukerarik gabe”, ziurtatu du Barambonesek.

 

UPV/EHUk probatutako metodoak kontrol-eskema irristakorra erabiltzen du. Unibertsitateak ohar baten bidez jakinarazi duenez, kontrol-mota hau arras egokia da zalantzaguneak dituzten sistemetarako. “Ez da egoten beti erradiazio berbera, eta sorgailura konektatzen den karga ere aldakorra da. Kontrol-mota honek, bere ezaugarriengatik, zalantzagune horiek gainditu eta sorgailuaren jarduera-puntua aldian aldiko baldintzetara egokitzeko gaitasuna du, une oro puntu optimoan lan egin dezan”, argitu du ikertzaileak

 

Sistemak, ordea, kalkulu-ahalmen handiagoa eta elementu indartsuagoak eta, beraz, garestiagoak dituzten prozesagailuak behar ditu, oharrean zehaztu denez.

Berrikuntza Teknologikoa 25 otsaila, 2020
Lehen sektorearen lehiakortasuna bultzatzeko robotika

Tekniker partaide duen GreenPatrol europar proiektuak sistema berritzailea garatu nahi du...Leer más

Berrikuntza Teknologikoa 24 otsaila, 2020
Soluzio digitalak, industria-ekoizpenaren paradigma berri baterako

Ideko partaide duen QU4LITY europar proiektuak zero akatseko fabrikazio-eredu berrian teknologia...Leer más

Berrikuntza Teknologikoa 18 otsaila, 2020
Ingeteam, Europako instalazio fotovoltaikorik handieneko partaide

Euskal enpresak Aragoin kokatuta dagoen gune horretako azpiestazioak babestu eta kontrolatzeko...Leer más

Berrikuntza Teknologikoa 17 otsaila, 2020
Industria aeronautikorako sentsorizazio adimenduna

Hegazkintza sektorean funtsezkoak diren elementuak eta fluidoak monitorizatzeko sentsoreak garatzea...Leer más

Berrikuntza Teknologikoa 12 otsaila, 2020
Robotika aurreratua, eraikuntzako lan-arriskuak murrizteko

Tecnalia euskal korporazio teknologikoak koordinatutako europar enpresa eta unibertsitateen talde...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?