Euskal enpresaren blog-a Zure enpresarentzat garrantzitsua den eguneroko informazioa
20 iraila, 2017

Itsasora egindako isurketak aurkitzeko sistema adimendunak

Bi konpainietako ingeniari-taldeak iaz ekin zion ekipoa garatzeari Arabako Teknologia Parkean

Ibermatica eta Airestudio euskal enpresek lankidetzan dihardute kutsatzaileez ohartarazteko adimen artifizialaz hornitutako ekipo baten garapenean

 

Itsasoan kutsatzaileen presentzia detektatzeko asmoz, Ibermatica eta Airestudio euskal konpainiek sistema adimendun batean oinarritutako plataforma teknologiko bat garatzen dihardute gaur egun, uretara egindako isurketak irudien analisiaren bitartez lokalizatu ahal izateko.

 

Sistemaren diseinua Brainport deritzon proiektuari atxikita egiten ari da. Proiektu hau bigarren garapen-fasean dago gaur egun eta sei hilabete barru abian egon liteke. Ekimenak Eusko Jaurlaritzaren laguntza izan du.

 

Bi konpainietako ingeniari-taldeak iaz ekin zion ekipoa garatzeari Arabako Teknologia Parkean, Itsas Salbamendua eta portu-agintaritzak bezalako erakundeei itsasoan egin ohi duten zaintza-lana errazteko asmoz.

 

Sateliteek eta droneek emandako datuez baliatuta itsas barruko aldaketak automatikoki identifika ditzakeen sistema bat du oinarri plataforma honek. Aldez aurretik, sistema behar bezala trebatu behar da isurketen ereduak zehaztu eta ikas ditzan, gerora irudi berrietan identifikatzeko gauza izan dadin, eta balizko isurketa bat aurkitzen duenean, horren gaineko alerta automatikoa bidal dezan. Gainera, txertatutako adimen artifizialak isurketaren ondorengo orduetako bilakaera aurreikusten lagunduko du, datu meteorologikoen laguntzaz.

 

Lorenzo Diaz de Apodaca Airestudioko CEOak adierazi duenez, sistemak kostuen murrizketa ekarriko du isurketak detektatzeko erabiltzen diren gaur egungo baliabideen aldean, eta horrez gain, isurketei buruzko informazio zehatzagoa eskainiko du. Horrela, kutsatzailearen ezaugarrietara hobeto egokitzen diren baliabide orekatuagoak erabili ahal izango dira.

 

Itsasoa da ekipo honen jarduera-eremu nagusia, baina garatzaileek ez diote uko egin teknologia hau nekazaritza eta hirigintza bezalako esparruetara egokitzeko aukerari.

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Enpresa Eraldaketa 8 urtarrila, 2020
Industria arloko ekonomia zirkularrari emandako bultzada

Euskal enpresa eta zentro teknologikoak, teknologia digitalen aplikazioaren bitartez...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?