Euskal enpresaren blog-a Zure enpresarentzat garrantzitsua den eguneroko informazioa

2 martxoa, 2017
Euskal enpresek kontratu bat itxi dute Volvo Taldearekin

Kontratu honek 40 lanpostu berriren sorrera ekarriko du Matrici-k Zamudion duen lantegian

Matrici, Batz eta MB Tooling kooperatibek Suediako automobilgintza-taldearen proiektu baterako behar diren trokelen horniketa egingo dute

 

Matrici euskal kooperatibak, Batz eta MB Tooling enpresen lankidetzaz, kontratu bat sinatu du ibilgailuak fabrikatzen dituen Suediako Volvo Taldearekin, konpainia eskandinaviarraren proiektu baten kanpoko zein barruko piezak ekoizteko behar diren trokelen horniketa bermatzeko.

 

Matrici buru izan duen eskaintza honetan, trokelgintza arloko Dover enpresa kataluniarrak ere parte hartuko du. Eskarian, 1.200 profesional baino gehiagok, 50 fresagailuk eta edukiera desberdinetako 60 prentsak parte hartuko dute, guztira.

 

Kontratu honek zuzeneko 40 lanpostu berriren sorrera ekarriko du Matrici-k Zamudion duen lantegian. Konpainiak ohar baten bidez jakinarazi duenez, tamainagatik zein kalitate-eskakizunegatik, hauxe da kooperatiba bizkaitarrak 50 urtetik gorako historian gauzatu beharreko eskaririk garrantzitsuena.

 

Horren harira, Volvo Taldeak ondo kontuan hartu ditu proiektuan parte hartuko duten enpresen maila teknologikoa eta baliabideen erabilgarritasuna, baita erantzuteko eta zerbitzua emateko gaitasuna ere.

 

Matrici 1964an sortu zen eta automobilgintzako kanpoko piezen fabrikaziorako soluzioen garapenean espezializatuta dago. Kooperatibak 600 langile inguru ditu, filialak barne hartuta, eta iaz 85 milioi eurotik gorako fakturazioa lortu zuen.

 

 

Matrici enpresak kontratu berria baloratu du

 

Enpresa Eraldaketa 11 maiatza, 2020
Geograma: “Geo-kokapenak erraztasunak ematen ditu erabakiak hartzeko eta negozio-prozesuak optimizatzeko”

  Arabako enpresa hau topografia industrialeko, piezen kontrol dimentsionaleko eta...Leer más

Enpresa Eraldaketa 10 otsaila, 2020
Aldakin IDEKOrekin lotu da I+Ga bultzatzeko

Euskal zentro teknologikoak eta soluzio robotikoetan espezializatutako taldeak bien arteko...Leer más

Enpresa Eraldaketa 5 otsaila, 2020
Bio-ontziak, elikagaigintza eta ehungintza ekologikoagoak izan daitezen

GAIKER zentro teknologikoa azpiproduktuetatik edo hondakinetatik abiatuta ontzi berriak ekoiztea...Leer más

Enpresa Eraldaketa 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Enpresa Eraldaketa 9 urtarrila, 2020
Ikusmen artifiziala, kalitate-ikuskapena optimizatzeko

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?