Enpresa arloan hazten jarraitzeko eta teknologia garatzen jarraitzeko helburuarekin, Berba Translationsek milioi bat euroko bigarren inbertsio-prozesua itxi du, 2020an 250.000 euroko lehen txanda egin ondoren. Bigarren horretan, CDTI, ENISA eta Mondragon Korporazioaren (Mondragon Sustapen Funtsa) arrisku-kapitaleko funts korporatiboa inbertitu dute.
2019an sortu zen Berba Translations, itzulpenen sektorea digitalizatzeko helburuarekin, itzultzaile profesionalak enpresekin harremanetan jarriz. Software ezberdinak eta adimen artifiziala biltzen dituen plataforma korporatibo baten bidez, Bizkaiko startup honek itzulpen bat lortzeko aukera eskaintzen die bere bezeroei, denboraren tarte erdian eta ohiko kostua erdira murriztuz. Bi urteko ibilbidearekin, NBA, Campofrio, Estrella Galicia edo Swaroski bezalako enpresak bere zerbitzuak kontratatu dituzte.
Inbertsio horrekin, Berba Translationse asmoa produktu-ekimen berriak garatzea da, industriaren egungo erronkei irtenbideak ematen jarraitzeko. Gainera, Erresuma Batuan, Alemanian edo Txinan gero eta presentzia handiagoa izatea du helburu bezala, aurten salmentak hirukoizteaz eta 20 lanpostu sortzeaz gain.
Inbertsio honekin, 13 dira Mondragon Korporazioak azken bi urteetan inbertitu dituen ‘startup’-ak. Inbertsio horiek Mondragon Sustapen Zentroaren eskutik eman dira, enpresa-jarduera berriak garatzeko plataforma korporatiboa. Kasu honetan, Mondragon Lingua hizkuntza-zerbitzu aurreratuen, eta korporazioaren kide dena, inbertsioarekin gauzatu da prozesua. Talde hori prestakuntza, itzulpen eta komunikazio eleaniztunean espezializatuta dago.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?