Euskal enpresaren blog-a Zure enpresarentzat garrantzitsua den eguneroko informazioa

12 uztaila, 2017
Zahartzearen erronkak gizarte eta osasun arloetan

Ikastaroan aztergai izango dira gizarte zaharkitu bat zaintzeko jardunbide egokiak.

Jardunaldi hori UPV/EHUren Udako Ikastaroen egitarauaren barruan dago.

 

Gero eta zaharragoa den gizarte baterantz goaz. Horrek esan nahi du aurrerapen medikoek gure bizi-itxaropena luzatu dutela eta, beraz, lorpen arrakastatsua da. Baina aldaketa demografiko horrek erronka handiak dakartza osasun arretako sistemen arloan eta arlo sozialean, ugaritu egingo baitira gaixotasun kronikoak –fisikoak zein mentalak- jasango dituzten pertsonak.

 

Hainbat erronka dauzkagu, pertsona horien autonomia ahalik eta gehien luzatzeko eta euren nahiz euren senitartekoen bizi-kalitatea hobetzeko. Hala, garrantzitsua da diziplina arteko lankidetza sustatzea osasun zerbitzuen barruan eta kanpoan, eta erantzukizuna partekatzea erakunde publikoen, profesionalen eta hiritarren artean.

 

Datorren irailaren 1ean, UPV/EHUko Udako Ikastaroen zikloaren barruan egingo da Gizarte zaharkitu baten erronkak jardunaldia, gai horiek guztiak jorratzeko. Ikastaroaren helburua da biztanleriaren zahartzeak dakartzan erronken inguruan kontzientziatzea, prebentzioa eta arreta goiztiarra sustatzea eta jardunbide egoki berritzaileak aztertzea, batik bat, endekapenezko gaixotasun neurologikoen esparruan.

 

Topaketan orobat aztertuko da zein paper duen Lehen mailako Arretak zahartze aktiboa sustatzeko, zein garrantzitsua den endekapenezko gaixotasun neurologikoak garaiz diagnostikatzea eta nolako aurrerapenak egin diren Alzheimer gaitzaren ikerketan eta gaitz hori duten pertsonentzako laguntzan. Topaketak elkarrekin bilduko ditu hainbat zentrotako mediku espezialistak eta profesionalak, hala nola, Biodonostia Osasun Ikerketa Institutukoak, CITA Alzheimer Fundaziokoak, Afagi elkartekoak SIIS – Eguía Careaga Fundazioaren Dokumentazio eta Ikerketa Zentrokoak eta Eusko Jaurlaritzako Osasun Sailekoak.

 

Jardunaldia Donostiako Miramar Jauregian egingo da, eta Pilar Marco Grande doktoreak –Aubixa Fundazioko presidenteordeak- koordinatuko du, Osakidetzaren laguntzarekin.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?