Euskal enpresaren blog-a Zure enpresarentzat garrantzitsua den eguneroko informazioa

13 urria, 2016
Teknologia katalitikoak hiri-hondakinak kudeatzeko

UPV/EHUren ikerketa batek hondakin solidoen erraustegietan katalizatzaileak erabiltzea proposatzen du gas kutsatzaileen emisioak murrizteko
UPV/EHUko Miren Gallastegi doktoreak zuzendu du ikerketa

UPV/EHUren ikerketa batek hondakin solidoen erraustegietan katalizatzaileak erabiltzea proposatzen du gas kutsatzaileen emisioak murrizteko

 

Hiri-hondakinen kudeaketa udal administrazioei dagokien garrantzi handiko erronka da, hondakinak birziklatzeko orduan ingurumenaren mesedeko programa jasangarriak aplikatu behar baitituzte.

 

Gaur egun, hiri-hondakin solidoak erraustu egiten dira, eta prozesu horretan, toxizitate handiko partikulak sortu ohi dira, hala nola, nitrogeno-oxidoak eta dioxinak. Horiek guztiak tratatu egin behar dira atmosferara isuri aurretik.

 

Testuinguru honetan, Miren Gallastegi UPV/EHUko doktoreak eta bere lantaldeak erraustegietan teknologia katalitikoa aplikatzeak partikula kutsatzaileen emisioak murrizteko eskainiko lituzkeen aukerak ikertu dituzte.

 

Orain arte, nitrogeno-oxidoak deuseztatu eta dioxinak era independente batean suntsi daitezkeela egiaztatu ahal izan da, baina ez zegoen zientifikoki aztertuta bi prozesuak aldi berean egiteko aukera.

 

Gallastegiren ikerketak prozesu bateratua aztertu du, eta katalizatzaile konbentzionalak zein ordezko formulak erabili ditu horretarako. Esperimentuak nitrogeno-oxidoak deuseztatu eta dioxinak suntsitzeko erreakzio kimikoak bizkortzea lortu du, tenperatura txikiagoaz eta eraginkortasun handiagoaz lortu ere, erakunde akademikoaren ohar baten arabera.

 

Katalizatzailean gertatzen diren prozesu kimikoak aztertu ondoren, Gallastegik bertatik bertara egiaztatu ahal izan du, alde batetik, nitrogeno-oxidoa murriztu eta nitrogeno bihur daitekeela, eta bestetik, dioxinak suntsitu eta gas-konposatu geldo bilaka daitezkeela.

 

“Garatu ditugun katalizatzaile berriak erabiliz eta prozesuaren aldagaiak optimizatuz gero, gaur egungo erraustegietako azpiegiturak erabili ahal izango lirateke, aldaketa handirik egin gabe, kutsatzaileak aldi berean deuseztatzeko. Oso aukera onuragarria da ingurumenerako, eta gainera, ez luke inbertsio handirik beharko instalazioetan, kontuan hartzeko moduko energia-aurrekia eraginez”, azaldu du Miren Gallastegik.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?