Euskal enpresaren blog-a Zure enpresarentzat garrantzitsua den eguneroko informazioa

25 otsaila, 2013
SPRIk jardunaldi bat antolatu du enpresei “interneten harreman publikoak egiten” laguntzeko

– Sare sozialetako aditu Victor Puig-ek gure negozioari interesatzen zaizkion pertsonak identifikatzeko eta haiekin harremanetan jartzeko giltzarriak emango ditu.
– Bilera sare sozialetan sartzen hasi diren profesional eta enpresei zuzenduta dago.
– Araba Enpresa Digitalak sustatutako jardunaldi hau otsailaren 27an izango da Miñaoko Teknologi Parkean.

Datorren otsailaren 27an Ekonomiaren Garapen eta Lehiakortasun Saileko Garapen Agentziak (SPRI), “Harreman publikoak interneten, nola identifikatu eta tratatu interesatzen zaizkigun pertsonak” jardunaldia antolatu du Enpresa Digitala ekimenaren bidez. Jardunaldi horren bitartez profesionalei eta enpresei lagundu nahi zaie sare sozialetan identifika dezaten zein izan daitekeen interesgarria Interneten beren negozioa bultzatzeko. Topaketa Interneteko harreman publikoen mapa diseinatzeko gida bat izango da, esperientzian eta kasu errealetan oinarritutako jarraibideez osaturik egongo dena.

Jardunaldia lagungarria izan liteke sare sozialetan sartzea erabaki duten eta pertsona egokiekin harremanetan nola jarri ez dakiten enpresentzat; ez soilik bezeroekin, baizik eta batez ere beren sektoreko iritzi liderrekin, zeintzuk ez baitira berdinak izaten sarean eta saretik kanpo.

Jardunaldian aztertuko da nola bilatu bezero potentzialak sare sozialetan eta baita ere ikusiko da zertan ari diren gure lehiatzaileak ingurune horretan, hala jakin ahal izango dugu ekintza horiek negozioan laguntzen duten ala ez.

Victor Puig, jardunaldia eskainiko duen sare sozialetako aditua, komunikazio interaktiboko eta onlineko ospearen arloko aholkularia da. 1996tik bere lan esperientziak lotura zuzena du Internetekin, ardura gero eta handiagoak izan dituelarik negozio eredu desberdinetako enpresetan: editorialen sektorean (Revista Web, La Vanguardia Publicaciones), atari generalistetan (Excite), e-commerce (BOL, Bertelsmann Online) eta multimedia atari bertikaletan (MTV, ParamountComedy, Nickelodeon), bilatzaileetako marketin agentzietan (Overalia)… Gainera, Espainian onlineko marketinarekin lotutako hainbat forotan parte hartu du: FICOD, OME, E-CommRetail, Search Congress, Internet Kongresua, Mediterraneoko Internet Kongresua, B-Web eta Campus Party.

Ekitaldia goizeko 9:30ean hasiko da Miñaoko Teknologi Parkean eta 13:30ean amaituko da. Lau ardatzen inguruan egituratuko da: Sare sozialen zein nahasketa erabili beharko nuke? Zeintzuk dira sare sozialetan jarraitu behar ditudan argibideak? Nola jakin dezaket nor den onlineko erreferentzia gai zehatz bati buruz? eta Harreman publikoak blogekin: planifikatu ekintza bat. Jarduera hau Araba Enpresa Digitala ekimenaren barruko hedapen ekintzetako bat da eta doakoa da aurretik izena ematen bada www.euskadinnova.net atarian.

Zer da Enpresa Digitala?

Enpresa Digitala ekimena 2002an sortu zen, hainbat jardueraren bidez ezagutzera emateko zeintzuk diren IKTek euskal enpresa sareari, batez ere, mikroETE eta autonomoei dakarzkieten abantailak. Zentro bana dauka Araba, Bizkaia eta Gipuzkoako teknologi parkeetan eta beste bat Garaia Berrikuntza Gunean (Arrasate).

Enpresa Digitalaren helburu nagusia da euskal enpresa eta profesionalen digitalizazioa sustatzea eta bultzatzea hedapen, prestakuntza eta informazio jardueren bidez. Hala, 2012an Bizkaia Enpresa Digitala zentroak 59 jarduera antolatu ditu (1.483 parte-hartzaile), Garaia Enpresa Digitalak 39 ekintza (1.127 parte-hartzaile), Araba Enpresa Digitalak 55 ekitaldi (1.157 parte-hartzaile) eta Miramon Enpresa Digitalak, 63 jarduera (2.177 parte-hartzaile).

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?