Euskal enpresaren blog-a Zure enpresarentzat garrantzitsua den eguneroko informazioa

8 urtarrila, 2019
SPRIk Berdintasunari, Talentuari eta Zaintza lehiakorrari buruzko prestakuntza sartuko du Innobideak Prestakuntza programaren eskaintzan

Prestakuntza programaren katalogoan 16 gai daude arlo hauetara biltzen direnak: estrategia, bezeroak, pertsonak, gizartea, berrikuntza eta emaitzak

 

Innobideak Prestakuntza doako programa bat da, beraizik diseinaturik dagoena Kudeaketa Aurreratuko oinarrizko kontzeptuak ezagutzeko, eta 2019an zortzi gai berri eskainiko ditu.

Izen-ematea: Prestakuntzaren web orrian

 

 

SPRI Taldeak Euskalit-ekin batera abiarazi du Innobideak Prestakuntza programaren 2019ko lehen prestakuntza-zikloa, non gai berriak sartu baitira, besteak beste, Berdintasuna, Nola bilatu eta atxiki talentua, eta Zaintza lehiakorra.  Zortzi prestakuntza-ildo berri horiekin osatuko da SPRIk euskal enpresei eskaintzen dien katalogoa, helburutzat hartuz ezagutu ditzatela kudeaketa aurreratuaren funtsak eta aplika dezatela kudeaketa hori enpresa barruan. Aurreko edizioetako iradokizunei jarraiki, 2019ko ekitaldirako proposamenak gehiago hurbildu nahi du ETEen premietara, antolakundeek buruan darabiltzaten alderdi berriak lantzeko. Hala, prestakuntzaren bitartez tresnak eta baliabideak emango zaizkie behar dituzten konponbideak lortzeko.

 

Prestakuntza programaren katalogoan 16 gai daude arlo hauetara biltzen direnak: estrategia, bezeroak, pertsonak, gizartea, berrikuntza eta emaitzak. Bezeroen ildoan hauexek dira nobedade nagusiak: “Hobekuntza: enpresa etengabeko hobekuntzara orientatzea” eta “Supply chain: hornitzailearengandik bezeroarenganako kudeaketa”; Pertsonen ildoan hauek dira berrikuntzak: “Talentua: talentua bilatu eta atxiki”, “Negoziazioa: negoziazioa, arazoak konpontzea eta emaitzak hobetzea” eta “Taldeak: talde-lanaren mitoak eta errealitateak”; Gizarte ildoan ikastaro berri bat eskainiko da: “Berdintasuna: berdintasuna ez da berez sortzen, egin egiten da”; Berrikuntzari dagokionez, hauxe da proposamen berria: “Zaintza lehiakorra: zaintza, berrikuntzarako funtsezko prozesua”; eta, azkenik, hauxe da Emaitzen ildoko nobedadea: “Kudeaketa ekonomikoa: kudeaketa ekonomikoa emaitza-kontua baino gehiago da”.

 

Ikastaroen egutegiari, tokiei eta gaiei buruzko informazioa jasotzeko, jo helbide honetara: Spri Innobideak Prestakuntza. Izen-ematea dohainik da eta zabalik dago.

 

Prestakuntza

Innobideak Prestakuntza doako prestakuntza-saioez osaturiko programa bat da, beraizik diseinatua dagoena Kudeaketa Aurreratuko oinarrizko kontzeptuak ezagutzeko. Industria-enpresetako eta industriari lotutako zerbitzu-enpresetako kudeatzaile eta zuzendaritza-karguei zuzenduta dago.

 

Prestakuntza programa Innobideak estrategiaren parte da, zeinak lau laguntza-ildo eskaintzen baititu, eragina dutenak enpresa baten jardunaren hainbat alderditan eta alderdi horiek guztiak hobetu ditzaketenak ekintza berritzaileak aplikatuz kanpoko profesionalen laguntzarekin: Kudeabide ildoak enpresen lehiakortasuna hobetzen laguntzen du Kudeaketa Aurreratuaren bitartez; Lehiabide ildoak laguntza ematen du produktuan, prozesuetan, merkatuetan eta antolakuntzan berritzeko; Pertsonak ildoak langileen parte-hartzea bultzatzen du enpresan; eta Prestakuntza ildoak gaikuntza eskaintzen du aurreko hiru ildoak indartzeko.

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?