Euskal enpresaren blog-a Zure enpresarentzat garrantzitsua den eguneroko informazioa

5 urria, 2017
Social Challenges plataformak bere lehen 30 erronkak plazaratu ditu

Ideia onenek 30.000 euro jasoko dituzte garapen faserako.

Ideia onenek 30.000 euro jasoko dituzte garapen faserako.

 

Social Challenges plataformak ireki du bere lehen erronka-erronda, berrikuntza sozialean oinarritutako konponbideak bilatzeko. Onlineko espazio horrek elkarrekin lotuko ditu arlo sozialeko premia bat duten enpresa edo erakundeak eta ideia berritzaileak dituzten ekintzaileak. Social Challenges plataformaren helburua da finantzaketa ematea 81 konponbide garatzeko, bakoitzari 30.000 euro eskainiz.

 

Fundazioek, GKEek, erakunde publikoek eta antolakunde pribatuek askotariko gaiei buruzko arazoak proposatu ditzakete. Feeding Coventry erakundeak, adibidez, konponbide teknologiko bat lortu nahi du denbora errealean konektatzeko supermerkatuetan soberan dauden elikagaiak eta elikagai horiek behar dituzten komunitateak. Portugalen, Castelo Branco hiriko Udalak zerbitzu publikoak eskaini nahi dizkie biztanle gutxiko zonaldeetan bizi diren pertsona nagusiei. Bestalde, Holandako Jong & Ondernemend fundazioak ideia berritzaileak behar ditu talentudun gazteak Friesland probintzian geldi daitezen, asko kanpora joaten baitira ikastera edo lanera.

 

Horra plataformara biltzen diren 30 proposamenetako batzuk; badaude baita ere mugikortasunarekin edo genero berdintasunarekin lotutako premiak. Hemendik aurrera eta abenduaren 21era arte zabalik egongo da konponbideak proposatzeko epea norbanako zein lantaldeentzat. Epaimahai batek aukeratuko du premia bakoitzarentzako ideia onena, eta 30.000 euroko sariaz gain, proposamen horren arduradunek laguntza jasoko dute 6 hilabeteko epean prototipo bat garatzeko. Lehen erronda horren ostean, beste edizio bat jarriko da abian abenduan, zeina zabalik egongo den baita ere beren premiak aurkeztu nahi dituzten erakundeentzat.

 

META Group taldeak, Impact Hub berrikuntza-zentroen sareak eta EBN – European Business and Innovation Centre Network-ek bultzatzen dute Social Challenges ekimena, eta Europar Batasunak finantzatzen du. Plataformaren azken helburua da transferitzeko eta eskalatzeko moduko konponbide berriak sortzea eta, bide horretatik, berrikuntza sozialen ekosistema europarra osatzea.

 

Social Challenges Platform

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?