Euskal enpresaren blog-a Zure enpresarentzat garrantzitsua den eguneroko informazioa

22 martxoa, 2017
Polimaker: sormena pizten duten DIY kit-ak

Material honekin askotariko objektuak moldeatu daitezke.

The Makery laborategiak brikolaje-proiektu bat abiarazi du haurrentzat.

 

Polimaker material termoplastiko bat da, 60 gradutara berotzean plastilinaren antzeko material moldagarri bihurtzen dena minutu gutxi batzuez. Denbora horretan, edozein forma har dezake, eta gero, plastikoak giroko tenperatura berreskuratzen duenean, zurrundu egiten da. TZBZ aholkularitzak bultzatutako The Makery sormen-laborategiko lantalde batek material horren potentziala aprobetxatu du jolasaren eta brikolajearen mundura bideratutako kit-ak sortzeko.

 

“The Makery laborategian duela bi urte erabiltzen dugu material hori produktuen prototipoak egiteko eta sorkuntzarako gaitasunak sustatzeko”, azaldu du TZBZ aholkularitzako Josu Oleagak, “orain kit hauek sortzea erabaki dugu, produktuak eta esperientziak diseinatzea helburu duen negozio-ildoaren barruan”. Pack horietan ez dago plastiko moldeagarria bakarrik, horrezaz gain, badaude baita ere helburu zehatzak markatzen dituzten material didaktikoak eta helburu horiek gauzatzeko behar diren elementu guztiak.

 

Lehen kit-a haurrei zuzenduta dago, eta proposatzen die jostailuak diseinatzea eta sortzea: ziba bat, katapulta bat edota hozkailurako iman bat, adibidez. “Kritikoak gara egungo entretenimendu digitaleko joerekin, oso indibidualak iruditzen zaizkigulako” azaldu du Josu Oleagak, “proiektu honekin lortu nahi duguna da haurren sormen-gaitasuna berreskuratzea”. Materiala biodegradagarria da, eta nahi adina aldiz erabil daiteke, nahikoa baita berriro berotzea beste objektu bat sortzeko.

 

Haurrei ez eze, brikolajearen munduari ere zuzentzen zaio, non materialak aukera anitzak eskaintzen baititu, hala balio du piezak konpontzeko, tresna ergonomikoak sortzeko edota objektuak egokitzeko, adibidez, pertsona nagusientzat edo eskuetan mugikortasun arazoak dituztenentzat. Kasu bietan, The Makery laborategiko lantaldeak asmoa du material didaktikoak eta onlineko bideo tutorialak egiten jarraitzeko, erabiltzaileek sorkuntza berriak egin ditzaten.

 

Polimaker materiala ingurumen sostengarritasunaren Berdeago euskal azokan aurkeztu zen, Durangon (otsailaren 3tik 5era), eta kit-ak apiriletik aurrera jarriko dira salgai proiektuaren atarian. The Makery Bilbon kokatutako espazio publiko bat da, TZBZ berrikuntzako aholkularitzak sortua. Proiektuak hezkuntza eta ekintzailetza arloak jorratzen ditu, “eginaz ikasi” joerarekin eta diseinu-pentsamenduarekin lotutako metodologiak aplikatuz eta teknologiak erabiliz.

 

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?