Euskal enpresaren blog-a Zure enpresarentzat garrantzitsua den eguneroko informazioa

30 uztaila, 2015
Plaketetan aberatsa den plasma, ama zelulak eta 3D inprimaketa medikuntza birsortzailean aurrera egiteko

Kirurgia Atroskopikoko Unitateak lokomozio-aparatuaren gaixotasunen alorreko hainbat proiektutan lan egiten du

Pello Sanchez, KAUko ikertzailea

Medikuntza berealdiko ahalegina egiten ari da, gaixotutako ehunak, organoak eta hezurrak sendatzeko organismoak garatzen dituen prozesu biologikoen inguruko ezagutzan sakondu nahian, kirurgian eta protesien inplanteetan oinarritutako teknika oldakorragoak baztertu eta birsorkuntza naturala sustatzeko asmoz.

Zelulek prozesu biologikoak imitatzen dituzten teknika eta tratamenduak diseinatzeko erabiltzen duten hizkuntza ulertzea da medikuntza birsortzailea deritzon hurbilketa zientifiko honen helburua, pazientea gaixotasuna agertu aurreko egoerara bueltatzeko asmoz.

Gasteizen kokatuta dagoen Kirurgia Atroskopikoko Unitatea (KAU) medikuntza birsortzaileko zenbait proiektutan lan egiten ari da gaur egun traumatologiaren eta lokomozio-aparatuaren arloan, adibidez, plaketetan aberatsa den plasma aplikatuz tendinopatia kronikoetan.

“Honelako patologiei aurre egiteko bide eta terapia berriak bilatzen ahalegintzen ari gara”, ziurtatu du proiektuan lan egiten duen Pello Sánchez ikertzaielak.

Gainera, KAU, kartilago artikularraren degenerazioari aurre egin eta protesiak jartzea atzera dezakeen beste ekimen batean murgilduta dago, plaketetan aberatsa den plasma eta iturri berrietatik sortutako ama zelulen erabilera konbinatzen dituen teknika baten bitartez.

Proiektu honek artrosiaren tratamendua hobetzen lagun dezake, hauxe baita 65 urtetik gorakoen % 70 inguruk pairatzen duen kartilago artikularreko degenerazio-gaixotasunik ohikoena.

“Proiektuaren bitartez, kartilagoaren degenerazioa gelditu eta protesia jartzeko beharra atzeratzea lortu nahi da”, adierazi du Sánchezek.

Bi ekimen hauek, Eusko Jaurlaritzako Ekonomiaren Garapen eta Lehiakortasun Sailak ikerkuntza eta berrikuntza sustatuz enpresa-ehunaren balio erantsia areagotzeko bultzatu duen GAITEK laguntza-programari atxikita daude.

Era berean, KAU 3D inprimaketako teknologiak teknika kirurgikoen hobekuntzan aplikatzeko lan egiten ari da. Hiru dimentsioko inprimaketak kaltetutako organoak era pertsonalizatuan eta doitasun osoz berregitea ahalbidetzen du, eta honek, ebakuntza kirurgia-gelan aurkituko dutena zehatz-mehatz islatzen duen eredu baten gainean planifikatzeko aukera eskaintzen die medikuei.

“Gure ahaleginaren helburua, zelulen hizkuntza hori atzeman eta ulertzea da, gerora pazienteei eta medikuntza orokorrari aplikatu eta belauna, gibela nahiz beste edozein gorputz-zati sendatu ahal izateko”, esan du adituak.

 

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?