Euskal enpresaren blog-a Zure enpresarentzat garrantzitsua den eguneroko informazioa

23 Azaroa, 2016
Material konposatuzko akatsik gabeko piezak industria aeronautikorako

Danobatgroup makina-erremintako fabrikatzailea eta IK4-IDEKO ikerketa-zentroa ZAero europar proiektuan parte hartzen ari dira
ZAero proiektuan garatutako metodo eta sistemak A320neo aparatuaren ekoizpenean aplikatu litezke

Danobatgroup makina-erremintako fabrikatzailea eta IK4-IDEKO ikerketa-zentroa ZAero europar proiektuan parte hartzen ari dira

 

Industria aeronautikoak fabrikazio-prozesu eraginkorragoak, lehiakorragoak eta kutsadura murritzagokoak bilatzen ditu etengabe. Testuinguru honetan sortua da Zaero europar proiektua, karbono-zuntzezko piezen kalitatea kontrolatu eta ekoizpen-prezioak murrizteko metodo berriak garatzea helburu duen ekimena.

 

Proiektua joan den hilean abiatu zen, DanobatGroup makina-erremintako euskal fabrikatzailea, IK4-IDEKO ikerketa-zentroa eta Airbus europar aeronautika-fabrikatzailea partaide dituela, beste hainbat bazkideren artean.

 

Gaur egun, karbono-zuntzezko piezak ekoizteko, nahitaezkoa da kalitate-kontrol zorrotza egitea, X izpien, ultrasoinuen edo ikuskatze bisualen bitartez. Kalkuluen arabera, aeronautikarako gama altuko osagarrien fabrikazio-kostuen % 25 kalitatearen kudeaketarekin eta produktuaren amaierako ikuskatzearekin lotuta dago.

 

ZAero proiektuaren bidez, oraingo egoerari erantzun nahi zaio, pieza hauen fabrikazio-prozesuetan txertatutako kalitate-kontrol metodoak garatuz, zuntz lehorraren lagapena kasu.

 

“Zero akatseko fabrikazioa giltzarrizko gaia izan da beti industria aeroespazialean, segurtasunaren arloan dituen eskakizun zorrotzen eraginez. Aeronautikarako gama altuko osagaien fabrikazio-kostuen % 25 prozesuaren amaierako kalitatearen eta akatsen kudeaketari dagokio. Proiektu honen bitartez, txertatutako kalitate-kontrol sistemak garatu nahi dira karbono-zuntzezko piezak ekoizteko, baita erabakiak hartzen laguntzeko sistema bat ere”, enpresa gipuzkoarrak zabaldutako ohar baten arabera.

 

Iturriaren arabera, ZAerok garatutako metodo eta sistemei esker, 150 milioi euroko aurrezkia lortuko litzateke urtean, A320neo aparatuko hegalen konpositezko estalduren ekoizpenean aplikatuko balira.

Berrikuntza 26 uztaila, 2021
Ludus: “Langileen prestakuntza demokratizatu nahi dugu errealitate birtualaren bidez”

Errealitate birtuala Industria 4.0 gaitzen duen teknologia da. Bere jatorria duela 70 urte baino...Leer más

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?