Euskal enpresaren blog-a Zure enpresarentzat garrantzitsua den eguneroko informazioa

7 martxoa, 2017
Osasuna eraldatzeko gai diren gazteak

Ashoka-k 16 eta 24 urte bitarteko ideia berritzailedun ekintzaile sozialak bilatzen ditu.

Making More Health deialdi bat, zeinaren helburua baita gazteek zuzendutako proiektuak bultzatzea, baldin eta erantzun berritzaile bat ematen badiete osasunarekin lotutako arazoei. Izan liteke pazienteen bizitza hobetzeko edo ohitura osasuntsuak sustatzeko ekimen bat edo, besteak beste, kolektibo zehatz baten premiei erantzuten dien proiektu bat. Garrantzitsuena da ideiak inpaktu positiboa sortzea gizartean ikuspegi berritzaile baten bidez.

Deialdia zabalik dago estatu osoan apirilaren 7ra arte, eta proiektuak lidertzat izan behar du gutxienez 16 eta 24 urte bitarteko pertsona bat. Ekimenaren atzean bi bultzatzaile nagusi daude: Ashoka nazioarteko ekintzaile sozialen sarea eta Boehringer Ingelheim enpresa farmazeutikoa. Aukeratutako bost ekimenek hazi kapitala eta prestakuntza jasoko dituzte proiektuarekin aurrera egiteko.

 

Aurtengo hau Making More Health proiektuaren bosgarren edizioa da. Iaz Bizkaiko proiektu bat izan zen hautatua, alegia, Alba Delgadok, 19 urteko bizkaitarrak aurkeztutako Hator proiektua. Ekimen horren proposamena da belaunaldi arteko sukaldaritza eskolak antolatzea, pertsona nagusiek neska-mutilei irakats diezaieten plater osasuntsuak prestatzen, balioan jarriz beren ezagutzak. 2016ko edizioan beste proiektu batzuk ere izan ziren sarituak, hala nola, gaitasun kognitiboak entrenatzeko AppZheimer aplikazioa, osasun mentaleko arazoak dituzten gazteei laguntzeko Caminem Junts programa edota Moves you easy, itsuei hirian barrena ibiltzen laguntzen dien eskumuturrekoa.

 

Aukeratutako proposamenek 500 euroko hazi kapitala jasoko dute, eta 300 euroko balioa duen laguntza-programa pertsonalizatu bat egin ahal izango dute Bridge for Billions plataformaren bitartez. Gainera, Jóvenes Changemakers nazioarteko sarean sartuko dira, eta berdinen arteko ikaskuntza prozesu bat egin ahal izango dute beste ekintzaile batzuekin batera. Parte hartu ahal izateko, lantaldeek bi pertsona izan behar dituzte gutxienez, eta ekimenak martxan egon behar du -hasierako faseetan gutxienez- lehen inpaktu-datuak aurkeztu ahal izateko.

Making More Health

Iratxe Zuloaga, CEO Ariadna Grid
Berrikuntza 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Cikautxo apuesta por la nanotecnología para dar un salto en las aplicaciones del caucho en sectores como la edificación o la biomedicina
Berrikuntza 8 uztaila, 2020
Durangaldea “Cycle Friendly Employer” eskualdea izango da

Estrategia publiko-pribatu horrek enplegua sortuko du kolektibo...Leer más

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?