Euskal enpresaren blog-a Zure enpresarentzat garrantzitsua den eguneroko informazioa

13 ekaina, 2017
Onddo mutirresistenteen aurka borrokatzeko ikerketa-bide berriak

 

UPV/EHUk terapia antifungiko eraginkorragoak diseinatzen lagun dezakeen ikerketa bat egin du

Euskal Herriko Unibertsitateko (UPV/EHU) ikertzaileek orain arte ezagutzen ez zen erresistentzia-mekanismo bat aurkitu dute, sistema immunologikoa ahuldua duten pazienteengan hilkortasun-tasa handia eragiten duen onddo batean. Aurkikuntza honek, etorkizunera begira, onddoak eragindako infekzioen aurka borrokatzeko sendagaien diana-kopurua areagotzen lagun dezake.

“Lomentospora prolificans” delako mikroorganismoa lizuna deritzon taldeari atxikitako onddo haritsua da, gizabanako osasuntsuengan inolako kalterik eragin ohi ez duena. Hala ere, Andoni Ramirez ikerketako partaideak adierazi duenez, mikroorganismo honek oso infekzio larriak eragin ditzake fibrosi kistikoa bezalako ezkutuko gaixotasunen bat duten pazienteengan.

Ikerketak argitu duenez, onddo honek erresistentzia handia du voriconazol gisako antifungikorik ohikoenen aurrean.

UPV/EHUko Fungal and Bacterial Biomics ikerketa-taldeak egindako lan honi esker, askoz ere hobeto jakin daiteke nola gertatzen den erresistentzia hori, eta horrek, aukera berriak irekiko ditu onddo honek eta beste batzuek eragindako infekzio fungikoen aurkako tratamendu hobeak garatzea ahalbidetuko duten molekula berriak diseinatu ahal izateko.

“Lan honek garrantzi handia du, orain arte onddoetan ezagutzen ez zen erresistentzia-mekanismo berri baten existentzia frogatu duen heinean”, ziurtatu du Ramirezek.

Unibertsitateak ohar baten bidez jakinarazi duenez, ikerketa oinarri-oinarrizkoa da oraindik, eta taldea premiazko ezagutza sortzen ari da, etorkizunean terapia eta sendagai eraginkorragoak garatu ahal izateko. “Hurrengo helburua, L. Prolificans onddoak bere paretako aldaketak gauzatzeko behar dituen entzimak identifikatzea izango da, behar bezala ikertu eta estrategia terapeutiko berriak landu ahal izateko”, gaineratu du Andoni Ramirez ikertzaileak.

Iratxe Zuloaga, CEO Ariadna Grid
Berrikuntza 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Cikautxo apuesta por la nanotecnología para dar un salto en las aplicaciones del caucho en sectores como la edificación o la biomedicina
Berrikuntza 8 uztaila, 2020
Durangaldea “Cycle Friendly Employer” eskualdea izango da

Estrategia publiko-pribatu horrek enplegua sortuko du kolektibo...Leer más

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?