Euskal enpresaren blog-a Zure enpresarentzat garrantzitsua den eguneroko informazioa

7 ekaina, 2016
NSF, “Talentua babesten” Euskadin

Aurten ere, Novia Salcedo Fundazioak Princesa de Girona Fundazioarekin kolaboratuko du “Talentua babesten” programan. Programa horrek helburutzat du familia batean goi-mailako lehen titulua lortu duten gazteen enplegagarritasuna handitzea eta, bide horretatik, lan merkatura sartzeko aukera berdintasuna bermatzea.

“Talentua babesten” Princesa de Girona Fundazioaren mentoring profesionaleko proiektu bat da, gazteen enplegagarritasuna handitzea helburu duena. Princesa de Girona Fundazioak bultzatzen duen proiektu honen xedea da aukera berdintasuna bermatzea lan munduan sartzeko orduan.

Metodologia berritzaile batean oinarritzen da, zeinaren bidez gazteak enpresa arloko profila edo profil profesionala duen pertsona baten tutoretza jasotzen baitu 6 hilabetez, bere gaitasunak eta trebetasunak hobetzen laguntzeko eta etorkizun profesionalean arrakasta hobea izateko.

Tutoreek gidari eta orientatzaile lana egiten dute eta kontaktu profesionalak eskaintzen dizkiete gazteei lan munduan sartzeko, bakoitzaren gaitasun tekniko eta pertsonalentzat egokia den lanpostu batean. Hala, “Talentua babesten” programak hezkuntza mundutik lan merkatura igarotzen laguntzen dio gazteari eta balioan jartzen du networking-a, ezinbesteko tresna delako lan merkatu horretan norbere txokoa egiteko.

Gainera, programa honek ikusgarri egiten ditu parte hartzen dutenen talentua eta merituak, beren familian eta ingurunean erreferente bihurtu diren gazteen kontratazioa sustatzen du eta enpresak eta lantaldeak errealitate horretaz jabetuarazten ditu.

NSFk aurten ere bat egin du ekimenarekin, eta horretarako esperientziadun enpresari eta ekintzaileen laguntza eskatzen du gazteak 6 hilabetez beren babesean har ditzaten, 10 saioko formatu malgu baten bidez (presentzialak edota onlinekoak). Aukera paregabea aurrera egiteko kontaktu-sarerik ez duten gazteentzat.

Kontaktua eta informazio gehiago: Elisa@noviasalcedo.es

 

Novia Salcedo Fundazioari buruz

Laurogeiko hamarkadaren hasieran herrialdea une zailean zegoen: krisi orokor batek etorkizun oparora iristeko bide guztiak ixten zizkien gazteei, enplegu eskaintza oso urria baitzen. Txomin Bereciartua SFko fundatzaile eta ohorezko presidentea ustea harturik zegoen krisi guztiak direla aldatzeko eta hobetzeko aukera eta, hortaz, garai hartako panorama gazteen zerbitzura jar zitekeen aukera bezala interpretatu zuen; leit motiv berri bat sortu zuen, elkarrekin uztartzen zituena nolabait bere ibilbide osoa eta gazteekiko konpromisoa, hala parrokietan abade gisa bere bokaziotik gauzatzen zuena nola Eskultismoaren arloan sortu zituen hezkuntza aktiboko taldeetan egiten zuena.

Gaur egun, NSF erakundeak hiru ildo estrategiko ditu:

  • -Gazteen lan-integrazioa lideratzea, berrikuntza eta balioa sortuz, ikuspegi global eta lokaletik.
  • -Gizarte Berrikuntza arloan ikerketa eta ezagutza aplikatua garatu eta Gizarte Berrikuntza horren agente eragile izatea.
  • -Eragina izatea esparru politiko, sozio-ekonomiko eta kulturaletako eragile garrantzitsuengan, helburutzat hartuz euren kolaborazio aktiboa lortzea, gizartea kontzientziatzea eta gazteak inplikatzea. 

www.noviasalcedo.es

 

 

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?