Euskal enpresaren blog-a Zure enpresarentzat garrantzitsua den eguneroko informazioa

7 uztaila, 2015
Metodo farmakologiko berriak ikertzen ari dira porfiria motarik larriena tratatzeko

Oscar Millet zientzialaria buru duen ikerketa taldea.

CIC bioGUNE biozientzietako euskal zentro kooperatiboko ikertzaileek molekula farmakologikoen erabileraren aukera terapeutikoak aztertzen dihardute, gaixotasun arraroen artean sailkatuta dagoen Güntherren gaixotasuna edo sortzetiko porfiria eritropeikoa (CEP) delako gaitz arras oldarkorraren garapenarekin zerikusia duten entzimen jarduera aldarazteko asmoz.

Munduan 300 kasu inguru baino ez dituen CEP edo Güntherren gaixotasuna, entzima baten mutazioak eragindako patologia metabolikoa da, eguzki-argiarekiko muturreko sentiberatasuna ekarri ohi duena.

Pazienteek larruazaleko lesioak izan ohi dituzte, eta zenbait kasutan, hezur eta kartilagoen pixkanakako suntsiketa gerta daiteke.

Oscar Millet zientzialaria buru duen ikerketa honen helburua, patologia hau eragiten duen uroporfirinogeno III sintasa (UROIIIS) entzima eraldatuaren jarduera modulatzea ahalbidetuko duten molekula selektiboak –txaperoi farmakologikoak– garatzea da.

Entzima honek, odoleko oxigenoa biltegiratu, garraiatu eta finkatzea bezalako organismoko hil ala biziko funtzioak gauzatzen dituen hemo taldea delako multzo molekularraren formazioan parte hartzen duenean, gaixotasuna gertatzen da.

Bizitzarako giltzarrizkoa den multzo molekular honen sorkuntza biosintesi prozesu baten bitartez gertatzen da, molekula batzuekin beste batzuk sortu eta bukaeran hemo taldea osatzen duen entzima-kate baten jardunari esker. Entzima horietan alteraziorik izanez gero, hemo ekoizpen osoa arriskuan egon daiteke.

Honek ondorio larriak ditu organismoan, eta ekoizpen-katean huts egin duen entzimaren arabera, porfiria mota bat ala beste bat sortuko da. Güntherren Gaixotasuna dugu gaixotasun-familia honen motarik larriena.

Hori dela eta, CIC bioGUNEko ikerketaren ahaleginik handiena, milaka molekula bahetzea da, mutazioa izan duen entzimari –organismoko beste proteina batzuk kaltetu gabe– egonkortasuna itzuli ahal dioten molekula aktiboak irizpide selektiborik zorrotzenaz isolatzeko asmoz.

Oscar Millet buru duen lantaldeak zortzi urte daramatza porfiriari aurre egiteko metodo terapeutikoen ikerkuntzan, eta bi urte egin ditu txaperoi farmakologikoen arrastoaren atzean.

Proiektu honek, urtez urte hainbat diziplinatako ikerkuntzaren mesedeko dirulaguntza-programa deitzen duen Merck Serono multinazional farmakologikoaren laguntza ekonomikoa izango du.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?