Euskal enpresaren blog-a Zure enpresarentzat garrantzitsua den eguneroko informazioa

3 uztaila, 2013
Material erregogorrak egiten dituen enpresa batek 1.262 m² okupatuko ditu Zegamako Intxausti industrialdean

Sprilur erakundeak, Gipuzkoako Foru Aldundiak eta Goierri eskualdeko Udalek partaidetutako Goierri Beheko Industrialdea, S.A. sozietateak Zegamako industrialdean esleitu dizkio 1.062,28 m²ko industria-pabilioi bat eta bulego eta aldageletarako 200 m² une honetan Ormaiztegin instalatuta dagoen Labe Lan, S.L. enpresari.

Zegamako Intxausti Industrialdeak enpresa berri bat ostatatuko du laster, uda amaierarako Zegamara eramango baitu orain Ormaiztegin garatzen duen estaldura erregogorren jarduera. Labe Lan, S.L. enpresak lokal berri bat eskatu zion Goierri Beheko Industrialdea, S.A. sozietateari (SPRI Taldean integratua eta Sprilur erakundeak, Gipuzkoako Foru Aldundiak eta Goierri eskualdeko udalek partaidetua) gaur egun dituen instalakuntzak handitzeko. Eskaerari erantzunez, eskualde sustapeneko sozietateak 1.062,28 m²ko industria-pabilioia eta 100 m²ko solairu banatan antolatutako bulegoak (guztira 200 m²) esleitu zizkion joan den maiatzean. Pabilioiak 5 tm-ko bi garabi ditu eta bulego eta aldagelak goitik behera ekipatuta daude. Hori dela eta, Labe Lan S-L berehala joan daiteke instalazio berrietara.

Labe Lan, S.L. enpresak estaldura erregogorra egiten du askotariko labe, koilara eta galdaretarako. Nagusiki burdin, altzairu eta aluminioaren fundizio enpresetarako, galdaragintzarako eta tratamendu termikoetarako lan egiten du. Zortzi langile ditu, horietatik lau anaiak, bazkideak eta enpresako kudeatzaileak.

Zegamako Intxausti industrialdea 2001ean sortu zen eta 2003an ekin zioten lokalen sustapen faseari. 28.610 m²ko azalera gordina du eta 11.444 m²ko pabilioi eraikiak; 96 langile enplegatzen dituzten 8 enpresak dihardute lanean pabilioi horietan. Hona hemen enpresa horiek garatzen dituzten jarduerak: ibilgailuen errotulazioa, motorrak bobinatzea, galdaragintza, laser bidezko ebaketa, okindegia eta elikagaien manipulazioa. Une honetan, 226,28 m²ko pabilioi bat bakarrik dago libre Intxaustin.

Goierri Beheko Industrialdea, S.A.k lau industrialde sustatu ditu sortu zenetik (Zegamakoa azkena) eta beste enpresa-gune batzuk kudeatzen ditu Lazkaon eta Ordizian. 182.460 m²ko azalera gordina eskaintzen du enpresa ekimenetarako; horietatik 31.959 m² lurzoru urbanizatuko partzelak dira, 38.960 m² pabilioi modularrak eta 577 m², berriz, bulegoak. EAEko erakundeek partaidetutako sozietate honek kudeatzen dituen lau industrialdeetan 18,3 milioi euroko inbertsioa egin da guztira eta une honetan 601 langileri enplegu zuzena ematen dieten 49 enpresa daude instalatuta.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?