Euskal enpresaren blog-a Zure enpresarentzat garrantzitsua den eguneroko informazioa

17 maiatza, 2016
Martxan da Euskadiko VI. KEIRETSU Finantzaketa Foruma

Keiretsu startup-etan inbertitzeko foro bat da, non inbertitzaile talde egonkor batek (dibertsifikazio unitateak, Family Offices, Business Angels, e.a.) aukera baitu kapitalerako finantzaketa behar duten enpresa proiektu berritzaileen (startup-ak) aurkezpenak entzuteko.

 

Foroaren edizioak pribatuak eta konfidentzialak dira eta edizio bakoitzean 5-8 startup inguru aurkezten dira inbertsiogileen aurrean. Proiektu horiek aurretik aukeratzen dira, eta prestakuntza eman zaie negozio-plana prestatzeko workshop-en eta “Pitching”-ari buruzko tailerren bidez. OTEIC Taldeak, Keiretsu Forum Spain-ek eta Donostiako Sustapenak potentzial handiko proiektuak aukeratzen eta prestatzen dituzte beren sustatzaileek Foroan aurkeztu ditzaten inbertitzaileen aurrean.

 

Aukeratutako startup-ak hazkunde eta errentagarritasun perspektiba handiak dituzten proiektu berritzaileak dira, 500.000 eurorainoko inbertsioekin sartuko liratekeen bazkide berriak behar dituztenak. Keiretsu foroak Euskadin duen Chapter iraunkorrak, besteak beste, ekimenaren hiru edizio egingo ditu 2016an Donostiako egoitzan, eta hala, 8. edizioraino iritsiko da. Aurreko edizioetan hogeita hamarretik gora startup aurkeztu dira.

 

 

Foroaren helburuak

Topaketa honen helburuetako bat da ekintzaileen proiektuen kualifikazio eta heldutasun maila handitzea, errazagoa izan dadin merkatuan arrakasta izatea. Horrekin batera, EAEn inbertsioaren kultura sustatu nahi da, proiektu ekintzaileetan eta enpresetan inbertitzeko likidezia duten enpresa eta partikularren artean. Azkenik, helburutzat du baita ere finantzatzeko moduko EAEko proiektuak bilatzea, ekonomian inpaktu positiboa sortzeko enplegu sorkuntzaren eta irabazi ekonomikoen hazkundearen bidez.

 

Keiretsu Forum Euskadik proiektu horien elementu bereizleak eta indar-guneak azpimarratuko ditu. Hala, Keiretsu Forum Euskadik proiektuen heldutasun gradua eta inbertsioak jasotzeko gaitasuna maximizatzen du honakoen bitartez:

  • – Proiektuentzako prestakuntza Foroan aurkeztu aurreko faseetan.
  • – Proiektuak aukeratzeko prozesua Keiretsu Spain erakundeko presidentearekin.
  • – Proiektuen bilakaeraren jarraipena Foroa amaitu ondoren ere.
  • – Inbertsiogileak prestatzeko prozesua.
  • – Proiektuentzako ko-inbertsioak bultzatzea.

 

 

2016ko Foroen egutegia:
VI. Keiretsu Euskadi Foroa: ekainak 9.
VII. Keiretsu Euskadi Foroa: irailak 29.
VIII. Keiretsu Euskadi Foroa: azaroak 24.

 

Hautatutako proiektuek Ebaluazio eta Prestakuntza prozesua iragan dute lehenik.

Keiretsu Forum Euskadi ekitaldiko inbertitzaileek posible dute parte hartzea Keiretsu Sareak edozein tokitan antolatzen dituen foroetan: Madril, Bartzelona, Andaluzia, Londres, Paris, New York, San Frantzisko,…

Halaber, prestakuntza jardunaldi espezifikoak antolatzen dira Business Angels / Inbertitzaileentzat: Keiretsu Academy.

Keiretsu Inbertitzaileen VI. Foroari buruzko informazio gehiago ESTEKA HONETAN

 

 

 

KEIRETSU FORUMi buruz:

Inbertsio pribatuz osatutako nazioarteko sare handiena da. 2000. urtean sortu zen San Frantziskon eta 31 egoitza ditu AEBetan, Europan eta Txinan. 2.000tik gora kide ditu, 200M$ inbertitu dituztenak 250 enpresa baino gehiagotan.

www.keiretsuforum.es

 

OTEIC-i buruz

1966an sortutako euskal aholkularitza taldea, ibilbide luzea duena enpresen aholkularitzan eta ondareari buruzko aholkularitzan, eta familiak eta inbertsiogileak dira bere bezeroak. Esperientzia zabala du, besteak beste, inbertsio, finantzaketa eta nazioartekotze proiektu estrategikoetan.

www.oteic.com

 

DONOSTIA SUSTAPENA

Udal sozietate publiko honek hiriaren sustapen eta garapen ekonomiko eta soziala bultzatzea du helburu, berrikuntza, ezagutza sorkuntza eta eraldaketa, sareko lana eta proiektuen kudeaketa oinarri hartuta.

www.fomentosansebastian.org

Berrikuntza 11 urtarrila, 2021
Viuda de Sainz enpresak obra publikoen ingurumen-inpaktua minimizatzen duen ekozubi bat sortu du

50. hamarkadan sortutako familia - enpresari jarraipena emanez sortu zen Viuda de Sainz enpresa...Leer más

Berrikuntza 4 urtarrila, 2021
Birziklatzen zailak diren hondakinen bigarren bizitza bermatzeko 4.0 tresnak

EAEko 13 eragile, horien artean, enpresak, teknologia-zentroak eta klusterrak, konponbideak...Leer más

Aitor Urzelai, director del Grupo SPRI
Berrikuntza 28 abendua, 2020
Aitor Urzelai: “Eraldaketa-une honetan, enpresak aukerak identifikatzen lagundu behar ditugu”

Aitor Urzelaik hiru hilabete bete ditu abenduan SPRI Taldearen buru bezala. Bere erronken artean,...Leer más

Rem-Iru Producción
Berrikuntza 23 abendua, 2020
Rem-Iru: 20 urte xaflaren eraldaketa-munduan berrikuntzak egiten

20 urteko esperientziarekin, Rem-Iru xafla eraldaketan eta mota guztietako produktu metalikoen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?