Euskal enpresaren blog-a Zure enpresarentzat garrantzitsua den eguneroko informazioa

12 maiatza, 2013
Malaysiak inbertsiorako pizgarriak eskainiko dizkie euskal enpresei

– Muhammad Sawaddee Islamuddin-ek, MIDA-Malaysian Investment Development Authority-ko zuzendariordeak eta Malaysiak Parisen duen enbaxadako agregatu komertzialak, euskal enpresei aurkeztuko dizkie Malaysiak eskaintzen dizkien negozio aukerak.

Ekonomiaren Garapen eta Lehiakortasun Sailaren ekimenez, SPRIk jardunaldi bat antolatu du Bilbon, astelehenean (maiatzak 13), euskal enpresei azaltzeko zeintzuk diren Malaysiak, Asiako ekonomia gorakor eta indartsuenetako batek, eskaintzen dizkien inbertsio aukerak. Malaysiako gobernuak inbertsio politika liberal batekin babesten ditu negozio berriak pizgarri eta zergen bitartez.

Une honetan Malaysia ekonomia gorakor bat da. Bere BPGa %5,6 hazi da 186 mila milioi euroraino eta 2012an bere inportazio globalen (CIF) zifra 151,75 mila milioi eurokoa izan zen. Malaysiak 13 milioi langile ditu eta %3ko langabezia.

Balantza komertzialari dagokionez, emaitza positiboa da Euskadirentzat, zeinak 24 milioitik gora euro esportatu baititu azken urtean Malaysiara eta 20 milioi pasatuxe inportatu.

Jardunaldian zehar Muhammad Sawaddee Islamuddin-ek, Malaysiak Parisen duen enbaxadako agregatu komertzialak eta MIDAko zuzendariordeak, Malaysiak eskaintzen dituen aukerak azalduko dizkie euskal enpresei han inbertitu dezaten. MIDA izeneko organismoa duela 40 urte sortu zen Munduko Bankuaren gomendioz. Garapen agentzia horrek atzerriko produkzio nahiz zerbitzu enpresen inbertsioa erakartzen du, eta laguntza ematen du pizgarriei buruzko aholkularitza jasotzeko, lizentziak lortzeko edota tokiko bazkideak bilatzeko.

Jardunaldia amaitzeko, kasu arrakastatsu bat aurkeztuko da. Ormazabal-Velatia euskal taldeak Malaysian kokatzeko prozesuan bizi izan duen esperientzia azalduko du. Elektrizitate enpresa hori nazioartekotzearen arloko jardunbide egokien eredu da eta, hain zuzen, SPRIrekin duen lankidetza aktiboari esker antolatu da jardunaldu hau, non euskal enpresek Malaysian inbertitzeko dituzten aukerak ezagutaraziko baitira.

Jardunaldian zehar, Malaysiako ordezkari instituzionalak agintari ekonomiko eta komertzialek erakarri nahi dituzten sektore garrantzitsuenak azalduko ditu: ingeniaritza eta aholkularitza enpresak; teknologia berriak; hiri adimendunetarako teknologiak; azalera handiak; ibilgailu elektrikoa eta bere osagaiak, birkarga, mantenimendua…

Berrikuntza 26 uztaila, 2021
Ludus: “Langileen prestakuntza demokratizatu nahi dugu errealitate birtualaren bidez”

Errealitate birtuala Industria 4.0 gaitzen duen teknologia da. Bere jatorria duela 70 urte baino...Leer más

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?