Euskal enpresaren blog-a Zure enpresarentzat garrantzitsua den eguneroko informazioa

22 iraila, 2017
Lezio garrantzitsu batzuk enpresa sozialak sustatzeko

Europako Batzordeak ekintzailetza soziala bultzatzeko 20 ekimen aztertu ditu.

Europako Batzordeak ekintzailetza soziala bultzatzeko 20 ekimen aztertu ditu.

 

Ekintzailetza sozialak berrikuntza sozialean oinarritutako konponbideak eskaintzen ditu erronka handientzat, hala nola, hauentzat: langabezia, kolektibo kalteberen integrazio soziala edota zerbitzu sozialak eskuratzeko aukera. Enpresa-ehun hori, batez ere, tokian tokiko agente txikiz osaturik dago, baina eredua gero eta gehiago ari da zabaltzen Europan barrena eta, gainera, frogatu du orobat lagungarri dela hazkunde sostengarria lortzeko.

 

Europako Batzordeak 2015ean eginiko txosten baten arabera, bederatzi herrialdetan inkestatutako 1.000 enpresa sozialek 6.000 eurotik gora sortu zituzten, zerbitzuak eta produktuak eskainiz 870 milioi erabiltzaile ingururi, eta 500.000 enplegu berri sortu zituzten, batik bat bazterkeria arriskuan zeuden pertsonentzat. Zenbakiek erakusten dute enpresek gaitasuna dutela irabazi soziala sortzeko, baina baita ere garapen ekonomiko ekitatiboago bat lortzeko.

 

Europako Batzordeak Social Business Initiative programa jarri du martxan ekintzailetza soziala bultzatzeko, eta programa horren markoan argitaratu da Boosting Social Enterprise Development txostena, enpresa sozial berriak bultzatzeko jardunbide egokien bilduma. Azterlanak –deskargatzeko moduan dagoenak- jarraitu beharreko ikaskuntzak eta giltzarriak azaltzen ditu adibide horietatik abiatuta.

 

Martxan jarri beharreko ekintzen artean aipatzekoak dira agente desberdinen arteko kolaborazio estrategikoak, enpresa sozialak, agentzia publikoak eta sektore pribatuko erakundeak konektatzen dituztenak, ahalik eta modu errealenean erantzuteko eragile desberdinen beharrizanei. Era berean, interesa piztu behar da horrelako ekimenen aldera eta ikusgarritasuna eman, duten garrantzia aitortuz Estatu mailako estrategien bitartez.

 

Finantzaketari dagokionez, 20 kasu arrakastatsuek dioten bezala, garrantzitsua da sektore publikoaren babes ekonomikoa, baina laguntza eman behar da finantzaketa pribatua erakartzeko, inbertitzaile eta banku askok uste dutelako enpresa sozialak bezero arriskutsuak direla. Era berean, badira beste hainbat estrategia inpaktu handia izan dezaketenak epe luzera, esaterako, hezkuntza sistemako ekintzailetza sozialarekin lotutako gaitasunak bultzatzea eta hub-ak, azeleragailuak edo haztegi espezifikoak sortzea.

 

Txostenak sakon aztertzen ditu ekintzailetza soziala bultzatzeko 20 adibide horiek. Hona hemen horietako batzuk: El Hueco tokiko haztegia, Sorian kokatua dagoena eta helburutzat duena lurraldea berpiztea; Portugal Inovaçao Social izeneko estatu mailako estrategia, zeinak gobernuaren agenda politikoan kokatu baitu ekintzailetza soziala; eta Britainia Handiko Big Potential izeneko programa, kredituak ematen dizkiena inpaktu handia lor dezaketen enpresa sozialei.

Berrikuntza 10 maiatza, 2021
Ternua: “Gure ADNan beti egon da gauza desberdinak egiteko gogoa”

  Arrasatetik mundura eta berrikuntza ikurtzat harturik. Horrelaxe azaldu daiteke Ternua...Leer más

Berrikuntza 6 maiatza, 2021
SPRI Taldeko zuzendariak hasiera eman die ETEentzako laguntza-planak aurkezteko eskualde mailako jardunaldiei

  SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más

Berrikuntza 5 maiatza, 2021
Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena

  Europako Itun Berdea edo European Green Deal, Europar Batasunak 2019ko abenduan proposatu...Leer más

centro innovación abierta Álava Araba Gasteiz Vitoria
Berrikuntza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Agroplaza
Berrikuntza 3 maiatza, 2021
Pezestudio: “Agroplazaren helburua hiriko bizitzaren aldeko hirigintza sortzea da”

Pezestudio arkitekturaren bidez inguruak sozial eta ekologikoki aldatu nahi duten arkitektoen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?