Euskal enpresaren blog-a Zure enpresarentzat garrantzitsua den eguneroko informazioa

9 Azaroa, 2017
Lantegi Batuak-ek prestakuntza transbertsala sustatzen du Lan Eskolaren bitartez

Estrategia horren bidez prestakuntza teknikoa eta nazioarteko praktikak eskaintzen dira.
Jugatx Menika, San Viator zentroko nazioartekotze arduraduna, Alfredo Garmendia, Lan Eskola ekimenean parte hartu duten Nuria Fernández eta Jorge Toscano, eta Txema Franco, Lantegi Batuak-eko zuzendaria.

Estrategia horren bidez prestakuntza teknikoa eta nazioarteko praktikak eskaintzen dira.

 

Lantegi Batuak-ek Lan Eskolaren aldeko apustua egin du, zeinaren bidez prestakuntza eskaintzen baitzaie ezgaitasuna duten pertsonei beren enplegagarritasuna hobetzeko, baina ikuspegi berri batetik abiatuta. Estrategia hiru ardatz hauetan egituratzen da: ikaskuntza teknikoa, gaitasun transbertsalak barneratzea eta praktika profesionalak. 2015ean abiatutako proiektu horrek helburutzat dauka erakunde barruko arlo guztietara iristea, prestakuntza banatuaren ikuspegia zabalduz.

 

Lan Eskola ekimena azaroaren 8an aurkeztu zen Euskalit Fundazioak antolatutako Kudeaketa Aurreratuaren Europar Astean, Pertsonen ardatzaren barruko jardunbide egoki gisa. Erakundeko Prestakuntza eta Garapen arloko arduradun Jugatx Menikak azaldu zuenez, “Lantegi Batuak-en helburua beti izan da enplegua pertsonengana hurbiltzea, eta ez alderantziz, horregatik, gauza bera egin nahi dugu prestakuntzarekin ere. Zenbait lantoki aukeratu ditugu beren jarduera-eremuen arabera, eta haraino eraman ditugu prestakuntza ekintzak”.

 

Lantegi Batuak-eko lantaldea duela bi urte hasi zen prestakuntza prozesua hutsetik diseinatzen, ikaskuntzaren diziplina anitza barne hartzen duen prozesu parte-hartzaile baten bidez. Hala, pertsonek beren lanerako beharrezkoak diren ezagutza teoriko eta teknikoak barneratzen dituzte, baina orobat garatzen dituzte bestelako gaitasun trasnbertsalak, lana bilatzeko oso garrantzitsuak direnak, esaterako segurtasuna, auto-estimua eta komunikazioa.

 

Prozesuak bere baitan bildu ditu gamifikazioarekin lotutako metodologia didaktikoak, proiektu bidezko ikaskuntza eta maker ikuspegia. Jugatx Menikak azaldu bezala, “uste dugu prestakuntzarako espazioa prozesuaren zati oso garrantzitsua dela” eta “ahalegintzen gara ikaskuntza teknikoa eta dimentsio emozionala kohesionatzen”. Lan Eskola ekimenaren estrategiak genero ikuspegi markatua du, jorratzen diren arlo profesional batzuk oso maskulinizatuta daudelako, eta proiektuaren helburuetako bat da emakumeen presentzia sustatzea sektore horietan.

 

Lan Eskolaren beste zutabe bat da praktikak egitea enpresetan, eta lantaldeak nazioarteko praktiken aldeko apustua egin du. Lehen esperientzia Italian egingo da, hala, adimen ezgaitasuna duten zazpi gazte joango dira hara, hilabetez enpresa-praktikak egitera. San Viator zentroak –gazteek han jasotzen dute mekanizatuari buruzko prestakuntza- kolaboratuko du ekimen horretan, eta hezkuntza prozesuen mugikortasunerako Erasmus+ programa europarraren esparruan garatuko da.

 

Aurkezpen jardunaldian azaldu bezala, Lan Eskola ekimena martxan jarri denetik hamar prestakuntza ikastaro baino gehiago egin dira, besteak beste, arlo hauetan: lorezaintza, garbiketa, biltegiko laguntzailea eta piezen zertifikazioa. Adimen ezgaitasuna duten 117 lagunek jaso dute prestakuntza, eta 35 lanean ari dira jadanik. Lan Eskola ekimena orobat lanean ari da esperientzia aitortzeko prozesuetan, eta laguntza ematen die antolakundean lan egiten duten pertsonei. Prozesu horretan esperientzia profesionala akreditatzen da titulu ofizialen bitartez, eta Lantegi Batuak-en laguntzaz, adimen ezgaitasuna duten 124 lagunek beren ezagutzak akreditatu dituzte azken deialdian.

 

Scuder
Berrikuntza 27 urtarrila, 2021
Scuder: berrikuntza eta garapena makina-erremintaren sektorean

Scuder Way Wipser 2013an sortu zen, 20 urtetik gorako esperientzia duen profesional talde baten...Leer más

Berrikuntza 11 urtarrila, 2021
Viuda de Sainz enpresak obra publikoen ingurumen-inpaktua minimizatzen duen ekozubi bat sortu du

50. hamarkadan sortutako familia - enpresari jarraipena emanez sortu zen Viuda de Sainz enpresa...Leer más

Berrikuntza 4 urtarrila, 2021
Birziklatzen zailak diren hondakinen bigarren bizitza bermatzeko 4.0 tresnak

EAEko 13 eragile, horien artean, enpresak, teknologia-zentroak eta klusterrak, konponbideak...Leer más

Aitor Urzelai, director del Grupo SPRI
Berrikuntza 28 abendua, 2020
Aitor Urzelai: “Eraldaketa-une honetan, enpresak aukerak identifikatzen lagundu behar ditugu”

Aitor Urzelaik hiru hilabete bete ditu abenduan SPRI Taldearen buru bezala. Bere erronken artean,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?