Euskal enpresaren blog-a Zure enpresarentzat garrantzitsua den eguneroko informazioa

15 uztaila, 2015
Lankidetza eta partekatzea: Beti hobe delako ideia eta proiektu partekatu bat edukitzea edo aldaketa partekatu bat gauzatzea

Ekintzaileok sozialki erlazionatu beharra dugu hainbat arrazoirengatik: gure jarduera hedatu behar dugulako, bezero eta hornitzaile berriak identifikatu behar ditugulako, balizko preskriptoreekin harremanetan jarri behar dugulako eta beste negozio batzuetako profesionalekin akordioak adostu behar ditugulako, bezero zorroa zabaltzeko eta hobetzeko.

Horregatik parte hartzen dugu “Networking” ekitaldietan. Networking ekitaldiak dira bertaratutako guztien arteko harremanak dinamizatzea helburu duten lan topaketak. Erakunde sozialek, enpresek edo erakunde publiko nahiz pribatuek antolatzen dituzte, hala nola Ekintzailetzaren Euskal Zerbitzuak eta bere eragileen sare zabalak, elkarrekin laguntzen dietelarik auto-enplegua sustatzen dutenei eta beste lanpostu batzuk sortzearen aldeko apustua egiten dutenei.

 

Batzuetan, antzeko ideiak eta helburuak dituzten negozioek beren ahaleginak batzen dituzte erronka handiagoei ekiteko eta negozio aukeren aurrean elkarturik eta, neurri batean, lerrokaturik jokatzeko. Mota horretako lankidetza tazituki gertatzen denean baina sozietate formarik ez duenean, “Sare negozioak” direla esaten dugu; jarduerak osatzen dituzte, sinergiak aprobetxatzen dituzte eta bakarrik baino elkarrekin lan eginda onura handiagoak edo hobeak lortzen dituzte.

 

“Negozio sare” bat, berriz, profesional eta enpresaz osatutako talde bat da, oinarrizko ikuspegi sozio-enpresariala duena, eta funtsean, forman nahiz metodologian jokabide marko lerrokatu bat duena, helburu eta emaitzak lortzeko. Hala, misio eta ikuspegi bera dute, eta elkarrekin konpontzen dituzte beren merkatuko premiak eta arazoak, talde sendo eta fidagarri gisa jokatuz merkatuaren, beste enpresa batzuen edo erakundeen erronka handien aurrean.

 

Oro har Negozio Sareen barruan ETE, mikroETE eta diziplina anitzeko profesional ugarik  lan egiten dute elkarrekin eta, sektore ekonomiko desberdinetakoak izan arren, balio kate oso bat sortzen dute, horrek indarra ematen diolarik taldearen zerbitzu eskaintzari eta lehiakortasunari.

 

Amaitzeko, azkenaldian “Sareko negozioak” ere ugaritu dira. Lanerako kanal nagusia Interneten duten eta askotariko zerbitzuak sustatzen eta merkaturatzen dituzten jarduerak dira: hosting zerbitzua eskaintzen duten IKT enpresak, aplikazio telematikoak, webguneen eta edukien produkzioa, prestakuntza, laguntza, sare sozialak, onlineko produktu salmenta edo “merkataritza elektronikoa”, e.a.

 

Sareko Negozio horiek bi estrategia nagusi erabili ohi dituzte, jomugatzat duten publikoaren profilaren arabera: B2B eta B2C negozioak, beste enpresa eta profesional batzuei zuzendutakoak lehenak (Business to Business) eta kontsumitzaile edo bezero partikularrei zuzendutakoak bigarrenak (Business to Consumer).

 

Networking ekitaldiek, sare negozioek?, negozio sareek eta Sareko negozioek topaketarako eta beren burua proiektatzeko gune bat dute UP Euskadi atarian eta SPRIko  Ekintzailetzaren Euskal Zerbitzuaren “Ekintzailetzarako Lankidetza” programaren bidez babesten diren ekimen eta jarduera guztietan, denen helburua baita “elkarrekiko ekintzailetzarako” espazio egokiak sortzea eta sortzen laguntzea, elkarrekin harremanetan jarriz

“ekintzaile+ekintzaile=lan+”

formuladun enpresa proiektuak partekatu nahi dituzten pertsonak.

Garrantzitsua da lankidetzan aritzea eta partekatzea, beti hobe delako ideia eta proiektu partekatu bat edukitzea edo aldaketa partekatu bat gauzatzea.

 

Aukera ugari daude networking ekitaldietan parte hartzeko, astero antolatzen baitira gure lurraldeko hainbat herritan. Informazio gehiago nahi baduzu, jo UP Euskadi atariko Ekitaldi Agendara.

Berrikuntza 10 maiatza, 2021
Ternua: “Gure ADNan beti egon da gauza desberdinak egiteko gogoa”

  Arrasatetik mundura eta berrikuntza ikurtzat harturik. Horrelaxe azaldu daiteke Ternua...Leer más

Berrikuntza 6 maiatza, 2021
SPRI Taldeko zuzendariak hasiera eman die ETEentzako laguntza-planak aurkezteko eskualde mailako jardunaldiei

  SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más

Berrikuntza 5 maiatza, 2021
Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena

  Europako Itun Berdea edo European Green Deal, Europar Batasunak 2019ko abenduan proposatu...Leer más

centro innovación abierta Álava Araba Gasteiz Vitoria
Berrikuntza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Agroplaza
Berrikuntza 3 maiatza, 2021
Pezestudio: “Agroplazaren helburua hiriko bizitzaren aldeko hirigintza sortzea da”

Pezestudio arkitekturaren bidez inguruak sozial eta ekologikoki aldatu nahi duten arkitektoen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?