Euskal enpresaren blog-a Zure enpresarentzat garrantzitsua den eguneroko informazioa

16 azaroa, 2017
Lanaren etorkizuna: makina bidez handitutako gizakiak

Millennium Project think tank-a ikerketa bat egiten ari da lanaren etorkizunari buruz.

 

Millennium Project think tank-a ikerketa bat egiten ari da lanaren etorkizunari buruz.

 

Teknologien hedapenak, batik bat adimen artifizialarenak, kezka handia sortu du, ez baitakigu makinek gizakion lan-eskua ordezkatuko duten eta nolako ondorioak izango lituzkeen horrek gizartean. Jerome Glenn-ek, Millennium Project ekimeneko zuzendari nagusiak, Future of work / Technology 2050 azterlanaren aurkezpen-hitzaldian esan zuenez, “60ko hamarkadan jende askok uste zuen Hirugarren Mundu Gerra batean sartuko ginela ezinbestean, baina ez da halakorik gertatu”. Prospektibako adituak esan duenez, “datu globalei erreparatzen badiegu ohartuko gara galdu duguna baino gehiago ari garela irabazten, beraz, ez dugu eskubiderik ezkor izateko, baina, bestalde, ezin dugu ezer egin gabe gelditu”.

 

Millennium proiektua prospektiba arloko think tank bat da, eta une honetan ikerketa bat ari da garatzen, jakiteko nola eboluzionatuko duen lanaren ekosistemak eta nolako inpaktua izango duten teknologiek etorkizunean. Jerome Glenn-ek Madrilen aurkeztu zituen azterlanaren lehen ondorioak, zeintzuen arabera datozen hamarkadetan aldatu egingo baita lanaren izaera. “Hemendik 25 urtera ez du funtzionatuko orain arteko kontratu sozialak, alegia, ikasi, lan egin eta erretiratzea helburu duenak. Beraz, sistema ekonomiko berri bat pentsatu behar dugu” adierazi zuen Millennium ekimeneko zuzendari nagusiak.

 

Azterlanak hainbat eszenatoki marraztu ditu, adibidez, gobernuek ezer ez egitearen ondorioz sortutako egoera bat, gatazka ekonomiko eta sozialez josia, edota beste etorkizun gustagarriago bat, non pertsonek benetan maite dutena egin dezaketen. Glenn-en arabera, eszenatoki horretan, gobernuek aurrea hartu diote adimen artifizialaren inpaktuari, eta hala, ongi funtzionatzen duten oinarrizko diru-sarrera unibertsaleko sistemak aplikatu dituzte. Oinarrizko diru-sarrera horri esker, pertsonek auto-enplegurako estrategia berriak bila ditzakete, gustuko dutenari balioa eman eta ogibide bihurtzeko.

 

Think tank-ak hiru motatako adimen artifizialak bereizten ditu. Lehena estua da, non gailuek helburu bakarra baitute, eta multzo horretan sartzen dira gaur egun garatzen ari diren dispositibo asko. Bigarrena adimen artifizial orokorra da, eta gai da arazoei autonomoki erantzuteko. Eta hirugarrena, berriz, super-adimen artifiziala da, hau da, geure helburuak kontuan hartu gabe bereak finkatuko lituzkeena.

 

Millennium proiektuko zuzendari nagusiak azaldu duenez, oraindik ez dakigu ongi zein norabide hartuko duen etorkizunak, baina dagoeneko aprobetxa ditzakegu teknologiek eskaintzen dizkiguten aukerak gure adimena hobetzeko, ez bakarrik makinena. Zentzu horretan, Glenn-ek adibide bezala jarri zuen Elon Musk, zeina ikerketa bat zuzentzen ari baita garuna ordenagailuei konektatzeko. Funtsean, adimen artifizialaren potentziala aprobetxatu nahi du gure gaitasunak hobetzeko, eta horrela, etorkizunean ere beharrezko izaten jarraitzeko.

 

Millennium Project ekimenak 60 gune baino gehiago dauzka mundu osoan, eta Prospektiker da Estatuko gune nagusia. Think tank-ak sektore desberdinetako adituen iritziak bildu ditu etorkizunari buruzko ikerketa hau egiteko, eta praktikan jarri du adimen kolektiboa. Estatu mailan, Prospektiker gunea ere lanean ari da Espainiaren erronka espezifikoei buruzko txosten bat egiteko. 2018aren hasieran argitaratuko da azterlana, Telefónica Fundazioaren laguntzarekin.

 

Future Work / Technology 2050 ikerketaren aurkezpena

 

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?