Euskal enpresaren blog-a Zure enpresarentzat garrantzitsua den eguneroko informazioa

16 maiatza, 2016
Kultur proiektuentzako mikro-mezenazgoa: Meta! Gipuzkoa

Meta! Gipuzkoako pertsona edo elkarteek bultzatutako kultur proiektuentzako programa bat da. Ekimen horren bidez laguntza ematen zaie horrelako proiektuei crowdfunding-kanpainak ireki ditzaten Goteo plataforman, eta lortutako euro bakoitzeko, Gipuzkoako Foru Aldundiak beste bat jarriko du, finantzaketa bikoizteraino. Goteo plataformak eta Gipuzkoako Foru Aldundiak hiritarren ekimenei zuzendutako crowdfunding-deialdi bat jarri dute martxan.

 

Ideia guztien artetik gehienez 20 proiektu aukeratuko dira, eta horiexek izango dira mikro-mezenazgo kanpaina irekiko dutenak irailaren 15ean. Foru Aldundiak 70.000 eurorainoko ekarpena egingo du aukeratutako ideiei laguntzeko, gehienez 3.500 euro proposamen bakoitzeko. Goteo plataformak eta Gipuzkoako Foru Aldundiak hiritarren ekimenei zuzendutako crowdfunding-deialdi bat jarri dute martxan.

 

Programa honen helburua da hiritarrei laguntzea kultur proiektuak martxan jartzen, eta arreta berezia jarriko die gizartearentzako itzulera kolektiboa sortzen duten ideia berritzaileei. Deialdian parte har dezakete pertsona partikularrek, erakundeek edo elkarteek sustatutako proposamenek, baina ez enpresek edo administrazio publikoek bultzatutakoek. Ekimenak askotarikoak izan daitezke: kultura bultzatzeko edo nazioarteko lankidetzako ekitaldiak, programak, zerbitzu edo garapen teknologikoak…

 

Laguntza ekonomikoaz gain, prozesuaren barruan laguntza saioak egingo dira parte-hartzaileekin. Topaketak maiatzaren 31n eta ekainaren 1ean egingo dira, eta mikro-mezenazgorako prestakuntza tailer praktiko bat eskainiko da. Ez da derrigorrezkoa tailerrera joatea, baina bai oso baliagarria finantzaketa kolektiboko kanpaina bat martxan nola jarri ikasteko. Halaber, aukeratutako proiektuek onlineko aholkularitza jasoko dute kanpaina abian jarri baino lehen, uztailaren 26tik irailaren 14ra arte. Hortik aurrera, proiektu bakoitzak espazio propioa izango du Goteo plataforman hiritarren ekarpenak biltzeko, eta espazio hori aktibo egongo da irailaren 15etik abenduaren 3ra.

 

Meta! deialdiak helburutzat du ez bakarrik herritarren ekimenei laguntzea finantzaketa bilatzen, baina baita ere crowdfunding kanpainen bidez proiektuak ezagutzera ematea, proiektuen inguruko interes komunitateak sortzea eta kolaborazio alternatiboak bilatzea. Finantzaketa kolektiborako Goteo sare sozialak 8 deialdi jarri ditu martxan formatu horri jarraiki, eta organismo eta administrazio publiko desberdinekin kolaboratu du horretarako, besteak beste, Zaragozako Udalarekin, UNIArekin edo Innobasque-kin. Azken horrekin, Crowdsasuna programaren bi edizio sustatu ditu, osasun arloko ideia berritzaileak bultzatzeko.

Berrikuntza 28 maiatza, 2020
Euskal enpresek SPRI Taldearen Berrikuntza eta Nazioartekotze laguntzak eskuratu ahal izango dituzte ekainaren hasieran

Laguntzak aste honetan eskuratu ahal izango dira, EHAAn argitaratu ondoren. SPRI Taldeak...Leer más

Bexen Medical se convertirá en las próximas semanas en una de las mayores productoras de mascarillas del Estado
Berrikuntza 25 maiatza, 2020
Bexen Medical enpresa gipuzkoarra Estatuko maskara ekoizle handienetako bat izango da

Hain da handia eskaera, non enpresara deitzerakoan  ahots batek inportatu dituzten maskara...Leer más

Berrikuntza 22 maiatza, 2020
Elkarrizketa Mondragon Korporazioko presidente Iñigo Ucínekin

  Pobretze handiagoaren eta langabeziaren hazkundearen benetako mehatxuaren aurrean,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?