Euskal enpresaren blog-a Zure enpresarentzat garrantzitsua den eguneroko informazioa
30 martxoa, 2017

Koiki enpresak gizarteratzearen aldeko apustua egin du tokiko mezularitza zerbitzu batekin

Gizarteratze arloko 6 erakunderekin lan egiten du Euskadin.

Zerbitzu horrek dagoeneko baditu 40 zentro Estatu osoan.

 

“Koikin konponbidea eman diogu azken miliaren arazoari. Internetez erosten duzunean, ezin duzu jakin noiz pasako den garraiolaria etxetik, eta kontsumitzaileen %50ek arazoak izaten dituzte paketeak etxean jasotzeko edo itzultzeko”, azaldu du Aitor Ojangurenek, Koiki enpresaren fundatzaileak. Koikik konponbidea aurkitu dio arazo horri, koiki sare bat sortuta; koikiak auzo berean kokatutako langileak dira, zeintzuek bidalketak jasotzen baitituzte, gero erosleari entregatzeko, ongien datorkion orduan.

 

Gizarteratze eta ingurumen sostengarritasun printzipioetan oinarritutako eredu honen bidez, banatzaile aritzeko kontratatzen dira adimen ezgaitasunak dituzten pertsonak, bazterkeria arriskuan dauden gazteak edo iraupen luzeko langabetuak. Joan-etorri guztiak oinez, bizikletaz edo ibilgailu elektrikoz egiten dira; hala, ohiko zerbitzuen aldean, zerbitzu honen bidez eginiko banaketa bakoitzarekin CO2 aurrezten da.

 

Enpresak elkarlanean dihardu proiektuarekin kolaboratu nahi duten gizarteratze zentroekin, GKEekin eta elkarteekin. Erakundeak Koikirekin harremanetan jartzen direnean, Koikiren lantaldeak prestakuntza eskaintzen die banatzaile izan nahi duten pertsonei, eta zentro berri bat irekitzen da auzoan. “Merkataritza elektronikoak urteko %15eko hazkundea du, eta hemendik eta 2020ra 15.000 lanpostu baino gehiago sortuko dira Espainian” azaldu du Aitor Ojangurenek, “gure asmoa da, ahal den neurrian, lanpostu horiek kolektibo kalteberetako pertsonei ematea”. Euskadin, Koikik beste sei erakunde sozialekin lan egiten du Gasteizen, Bilbon eta Donostian, besteak beste, Peñascal Fundazioarekin, Síndrome de Down País Vasco-rekin eta Gureak enpresarekin.

 

Koiki bakoitzak gehienez 10 minutuko distantzian dauden entregak egiten ditu, eta aplikazio mugikor bat erabiltzen du eroslearekin komunikatzeko: abisatu egiten dio bidalketa iritsi denean eta ordu bat finkatzen du etxean entregatzeko. Erabiltzaileek esleitu zaien Koiki zentroaren helbidea sar dezakete bere erosketetan, halere enpresa lanean ari da eCommerce eta garraio enpresekin akordioak lortzeko eta dagoeneko kolaboratzen du DHL eta Zeleris konpainiekin.

 

2015ean sortu zenetik, Koiki konpainiak 40 bilketa-zentro sortu ditu, eta 52 lagun aritzen dira zentro horietan lanaldi partzialean paketeak banatzen, hilean 2.000 bidalketa inguru kudeatzen dituztelarik. 2017ra begira, enpresaren helburua da 100 zentroraino iristea, eta akordioak lortzea onlineko bi denda handirekin, sarean duen jarduera sendotzeko.

Azti y la pyme Branka Composites fabrican un dron marino propulsado por energías renovables para impulsar la investigación en el mar
Berrikuntza 2 apirila, 2020
Energia berriztagarrien bidez bultzatutako itsas dron bat sortu dute Azti eta Branka Composites ETEak, itsasoan ikerketa garatzeko

Itsas azaleko Itsasdrone drona Branka Composites eta AZTI zentro teknologikoaren arteko...Leer más

La CE aumenta la financiación de proyectos de innovación e investigación sobre coronavirus a través del Horizon 2020
Berrikuntza 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Berrikuntza 25 martxoa, 2020
Telelana errazteko gakoak eta baliabideak

Laneko osasun aholkuak eta teknologia digital berriak aprobetxatzeko tresnak   Egunotan...Leer más

Aitziber L. Cortajarena, investigadora de Ikerbasque
Berrikuntza 24 martxoa, 2020
Bio-LED belaunaldi berri bat garatzeko asmoarekin nazioarteko proiektu batean hasi da elkarlanean CIC biomaGUNEk

Naturak argia sortzen du. ‘Aequorea victoria’ marmoken kasuan, proteina fluoreszente batek...Leer más

ITP Aero investiga
ITP Aerok etorkizuneko propultsio sistemak ikertzen ari da

Motor hibrido elektrikoetan lan egiten duen statuko enpresa bakarra da eta enpresen eraldaketa...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?