Euskal enpresaren blog-a Zure enpresarentzat garrantzitsua den eguneroko informazioa

11 maiatza, 2017
Keychange ekimenak emakumeen presentzia sustatuko du musikaren industrian

Creative Europe programak finantzatzen du proiektua.

BIME jaialdia da proiektu europar horren bazkideetako bat.

 

Keychange ekimenak helburutzat du industria musikalari lotuta dauden eta berrikuntzan diharduten emakumezko sortzaile eta profesionalen sare berri bat sustatzea. Europako Batzordearen Creative Europe programak finantzatu du proiektua eta bere helburua da aukera berriak sortzea, estereotipoak hautsiz eta sektoreko genero-etena murrizten lagunduz.

 

Ekimenak 200.000 euroko aurrekontua du eta diru horrekin bekak emango zaizkie musikaren industriarekin lotuta dauden eta berrikuntzan diharduten 35 emakume sortzaileri eta 30 emakume profesionali. Keychange sarearen barruan, laborategi sortzaileak antolatuko dira lankidetza berriak sortzeko eta tresnak eskainiko dira proiektuak garatzeko. Ekimen horren bidez jaialdi musikaletan parte hartu, topaketa profesionalak egin eta onlineko komunitate bat sortuko dute.

 

PRS Foundation erakunde britainiarrak sustatzen du Keychange ekimena, eta zazpi bazkide ditu, horietako bat BIME jaialdia eta profesionalen topagunea, Last Tour International enpresak eta Bizkaiko Foru Aldundiak urtero antolatzen dutena. Lankidetza horren barruan, BIMEk nazioarteko sarearen topaketa bat ostatatuko du 2018ko edizioan. Emakumezko sortzaile eta profesionalen taldeak baita ere parte hartuko du Islandia, Alemania, Erresuma Batua, Estonia, Suedia eta Kanadako sektoreko musika-jaialdi eta topaketetan.

 

PTS Foundation-en kideez eta industriako profesionalez osatutako epaimahai batek hautatuko ditu emakumezko artista eta berritzaileak, eta hautaketa hori aurtengo irailean egingo da. Proiektua 2019an amaituko da, industria musikalaren barruko aldaketa sustatzeko manifestu bat aurkeztuko delarik Europako Legebiltzarrean.

 

Keychange proiektuaren abiapuntua PRS Foundation-ek Erresuma Batuan sustatutako ekimen bat da: Women Make Music. Women Make Music emakumezko sortzaile eta konposatzaileen programa espezifiko bat da, rol berriak sustatu nahi dituena belaunaldi berrien artean.

Iratxe Zuloaga, CEO Ariadna Grid
Berrikuntza 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Cikautxo apuesta por la nanotecnología para dar un salto en las aplicaciones del caucho en sectores como la edificación o la biomedicina
Berrikuntza 8 uztaila, 2020
Durangaldea “Cycle Friendly Employer” eskualdea izango da

Estrategia publiko-pribatu horrek enplegua sortuko du kolektibo...Leer más

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?