Euskal enpresaren blog-a Zure enpresarentzat garrantzitsua den eguneroko informazioa

30 azaroa, 2017
Inspira ekimenak Manifestu bat plazaratu du emakumeen presentzia sustatzeko STEAM gaietan

Laurogeitik gora antolakunde, kolektibo eta pertsonak bat egin dute dagoeneko.
Proiektuaren barruan Kaikoo Studio-k diseinatutako itsasgarri inspiratzaileak sortu dira.

 

Laurogeitik gora antolakunde, kolektibo eta pertsonak bat egin dute dagoeneko

 

Emakumeek gizonek baino gutxiago aukeratzen dituzte zientziei eta teknologiei lotutako ikasketak, presentzia gutxiago dute esparru horietako lanpostuetan eta lanbide zientifiko-teknologikoak aukeratzen dituztenak ez dira ia inoiz iristen kargu erabakigarrietara. Inspira ekimenak dioen bezala, argi dago hori ez dela gertatzen gaitasun gutxiago edo zientziarako bokazio txikiagoa izateagatik, baizik eta gizarteari, kulturari eta hezkuntzari lotutako faktoreengatik. Neskek txikitatik ikusten dute gizartean badirela estereotipo eta genero-rol batzuk beren etorkizuna lanbide jakin batzuetara bideratzen dutenak eta, aldiz, emakumezko erreferente gutxi dituzte dauden beste aukera guztiak erakusteko.

 

Azaroaren 27an Inspira proiektuak Inspira Manifestua aurkeztu zuen, bokazio zientifikoak sustatzeko nesken artean, gizarte osoaren inplikazioa bilatu duelarik prozesu horretan. Dokumentuak hainbat ekintza biltzen ditu genero estereotipoak hausteko, eta deia luzatu die enpresei, erakundeei, kolektiboei zein pertsonei helburu horretan inplikatzeko. Hona hemen manifestura bildutako ekintza batzuk: emakume zientifiko eta teknologikoen erreferente berriak eraikitzea, genero estereotiporik gabeko gizarte- eta hezkuntza-testuinguru berriak sortzea eta sistema zientifiko-teknologiko arduratsu eta anitza sustatzea. Orain arte, laurogeitik gora erakunde, kolektibo eta pertsonak (beren izenean) bat egin dute konpromiso honekin.

 

Inspira Deustuko Unibertsitateak sortu zuen 2016an, STEAM bokazioak sustatzeko Lehen Hezkuntzako nesken artean. Horretarako, ekimenak orientazio programa bat eskaintzen du, non emakume zientifiko eta teknologoek boluntario gisa parte hartzen duten, lan-saioak egiten dituztelarik neskekin ikasgelan bertan. Topaketa horietan, aukera ematen zaie ikasleei zientziei lotutako lanbideak deskubritzeko, zalantzak argitzeko eta zientzia eta teknologia arloko erreferente berriak ezagutzeko.

 

Inspira programak abian du bigarren edizioa, non 104 aholkulari boluntariok parte hartzen baitute 44 ikastetxetako 1.000 neskatorekin. Proiektu honek Innobasque eta Elhuyar Fundazioaren laguntza du, eta hiru Foru Aldundien eta BBKren babesa jaso du.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?