Euskal enpresaren blog-a Zure enpresarentzat garrantzitsua den eguneroko informazioa

24 maiatza, 2017
Inbertsio soziala etorkizuneko erronkei erantzuteko

Maiatzaren 30ean aurkeztuko dira Derion InnoSI proiektu europarraren emaitzak.

Ikerlana Horizontea 2020 programaren barruan kokatzen da.

Maiatzaren 30ean aurkeztuko dira Derion InnoSI proiektu europarraren emaitzak.

 

Lan-merkatua goitik behera aldatzen ari da hainbat faktore direla medio. Batetik, krisialdi ekonomikoaren ondorioz lan-baldintzak ezegonkortu egin dira eta are gehiago hazi dira desberdintasunak, bestalde, ez dakigu nolako profil berriak eta lan-eskua eskatuko dituen ekonomia digitalak.

 

Ekosistema konplexu horren aurrean, inbertsio sozialak proposatzen du politika sozialak indartzea (batez ere, enplegua, hezkuntza eta inklusioa), etorkizuneko perspektibak hobetzeko inbertsio bezala. Helburu hori lortzeko abiarazi da InnoSI – Innovative Social Investment proiektu europarra, EBk Horizonte 2020 programaren barruan bultzatutako ikerketa.

 

Ekimen honetan Europako 21 bazkidek parte hartzen dute, horietako bat Tecnalia, eta helburutzat du estrategia berritzaileak sortzea politika sozialetan, estrategia horien bidez desberdintasuna sortzen duten kausei aurre egiteko. Proiektuaren atariak dioenez, xedea da “giza kapitalean inbertitzea, hiritarrei funtsak eman beharrean modu pasibo batean”. Proiektuak hainbat ikerketa dauzka martxan EBko kide diren 10 herrialdetan, ezagutza sortzeko eta ezagutza horren bidez politika berritzaileak egiteko. Espainiaren kasuan, ikerketa-kasuek hizpide dituzte kooperatibak pobrezia energetikoaren konponbide bezala eta enplegu politika aktiboak Valentzia hiriburuan.

 

Datorren maiatzaren 30ean, proiektuaren arduradunak Bizkaiko Parke Zientifiko eta Teknologikoan elkartuko dira ikerketaren emaitza garrantzitsuenak aurkezteko. Topaketan zehar orobat aztergai izango dute zein paper jokatzen duen inbertsio sozialak Europako etorkizuneko erronkei aurre egiteko, batez ere arlo hauetan: enpleguan, kohesio sozialean eta egonkortasunean.

 

Jardunaldiaren lehen zatian gai hauei buruzko hitzaldiak eskainiko dira: InnoSI proiektuaren ondorio garrantzitsuenak, berrikuntza sozialaren papera eta lan-merkatuaren etorkizuna. Bigarren zatian mahai-inguru bat egingo da politika sozialak eta lan-merkatua aztertzeko, eta mahai-inguru horretan parte hartuko dute Novaterra Fundazioak, Agintzari Sozietate Kooperatiboak, Deustuko Unibertsitateak, Eguia-Careaga Fundazioak, Bizkaiko Foru Aldundiak eta TKNIKA Fundazioak.

Berrikuntza 26 uztaila, 2021
Ludus: “Langileen prestakuntza demokratizatu nahi dugu errealitate birtualaren bidez”

Errealitate birtuala Industria 4.0 gaitzen duen teknologia da. Bere jatorria duela 70 urte baino...Leer más

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?