Euskal enpresaren blog-a Zure enpresarentzat garrantzitsua den eguneroko informazioa

5 abendua, 2017
Ikuspegi berri bat Europako berrikuntza sozialarentzat

Europako Batzordearen txostenak proposatzen du berrikuntza soziala jartzea agendaren erdigunean.
Txostenaren azala
Argitalpena online dago.

 

Europako Batzordearen txostenak proposatzen du berrikuntza soziala jartzea agendaren erdigunean

Europa eta, oro har, mundu osoa aldaketa disruptiboak bizitzen ari dira teknologiaren eskutik. Gizarte hiper-konektatuetan eraldaketa hori gero eta azkarrago gertatzen ari da, eta eragina du gure bizitzako ia alderdi guztietan. Baina berrikuntza teknologikoak ez du zertan onuragarri izan herritarrentzat. Vision and Trends of Social Innovation for Europe azterlanak dioenez, berrikuntza sozialaren bidez lor dezakegu aldaketa disruptibo horiek bizi-kalitatea hobetzeko elementu izan daitezela.

 

Europako Batzordearen Ikerketa eta Berrikuntza Zuzendaritza Nagusiak egin du azterlan hori, Europarako berrikuntza sozialaren agenda berrikusten laguntzeko. 2010ean hasi zen sartzen berrikuntzaren ikuspegia Europako politiketan erronka sozialei konponbidea emateko estrategia gisa. Hala ere, azterlanaren egileek diote berritu egin behar dela Europako kontratu soziala, eta berrikuntza sozialak paper garrantzitsua du zeregin horretan.

 

Vision and Trends of Social Innovation for Europe txostenak ikuspegi berri bat proposatzen du hiru printzipiotan oinarrituta. Lehen printzipioa da pertsonetan zentratutako berrikuntza; horrek esan nahi du ahalegina egin behar dela beharrezko baldintza eta gaitasunak eskaintzeko, pertsona guztiak sar daitezen berrikuntzaren gizartean. Txostenak dio “Innovation Army” bat sortu behar dela Europarentzat, gizarte osoak parte har dezan, baita ere biztanleriaren sektore kaltetuenek.

 

Bigarren printzipioa ikuspegi sistemikoa da, hau da, baldintzak sortzea eragile desberdinen arteko lankidetzak bideratzeko. Zentzu horretan, hiri eta eskualdeek garrantzia hartuko dute, laborategi handiak izango direlako konexio horiek bideratzeko. Hirugarren elementua konpromiso politikoa da. Azterlanak dioenez, berrikuntza sozialak nitxo izateari utzi behar dio eta erabakiak hartzeko prozesuen muinean sartu behar du, hau da, Europako agenda politikoaren erdigunean. Azkenik, txostenak hainbat gomendio egiten dizkio Europako Batzordeari, aurrera egin dezan ikuspegi berri horretan.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?