Euskal enpresaren blog-a Zure enpresarentzat garrantzitsua den eguneroko informazioa

6 apirila, 2017
Ikerketan aurrera egiteko lankidetza

Hitzarmen honi esker, hainbat ikuspuntutatik ikertu ahal izango dituzte gaixotasun infekziosoak

Neiker-Tecnaliak eta CIC bioGUNEk akordio bat sinatu dute, datozen lau urteotan I+G+b arloko ekimenak elkarren artean gauzatzeko asmoz

 

Neiker-Tecnalia nekazaritzako ikerketa eta garapenerako erakundeak eta CIC bioGUNE euskal ikerketa-zentroak lankidetza-akordioa itxi dute, datozen lau urteotan I+G+b arloko jarduerak gauzatu eta bi zentroetako ikertzaileen arteko elkarlana sustatzeko asmoz.

 

Zientzia eta Teknologiaren Euskal Sareari atxikitako bi erakunde hauek zenbait ikerketa-lerro partekatzen dituzte; adibidez, kaparrek kutsatutako gaitasunen eta tuberkulosiaren inguruko ikerketa. Izenpetutako akordioaren bitartez, Neiker-Tecnaliak eta CIC bioGUNEk elkarren osagarritzat jardun ahal izango dute, bien arteko elkarlanari diziplina anitzeko izaera emanez.

 

Bi zentroek ohar baten bidez jakinarazi dutenez, hitzarmen honi esker, hainbat ikuspuntutatik ikertu ahal izango dituzte gaixotasun infekziosoak, oinarrizko ikerketa eta ikerketa aplikatua uztartuta, betiere txertoak eta diagnostiko-teknika berriak garatzeko soluzio eraginkorren bila.

 

Akordioak elkarren arteko aholkularitza teknikoa bultzatzeko oinarriak finkatu ditu prestakuntza-ikastaroetako parte-hartzearen bitartez, eta bi zentroei, baterako proposamenak aurkezteko aukera emango die Estatuko zein nazioarteko proiektuetan parte hartzeko, ikerketako emaitzen trasferentzian eta aplikazio praktikoan ere lankidetzan jarduteko modua erraztuz.

 

Era berean, bi erakundeek ikertzaileen eskura jarriko dituzte instalazio eta ekipo erabilgarriak. Aliantzak ikertzaile eta teknikarien mugikortasuna erraztu, doktorego-tesien baterako zuzendaritza bultzatu eta elkarren arteko aholkularitza sustatuko du ohiko jarduerari lotutako gaien inguruan.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?