Euskal enpresaren blog-a Zure enpresarentzat garrantzitsua den eguneroko informazioa

29 ekaina, 2017
Ikasle talde batek gailu bat sortu du ardiak otsoengandik babesteko

Beelieve lantaldea First Lego League txapelketaren Estatuko finalean.

First Lego League Euskadi txapelketaren barruan garatu da proiektua.

 

Bilboko Begoñazpi Ikastolako 15 eta 16 urteko hamar ikaslek Beelieve sortu dute, konponbide burutsu bat ardiak otsoen erasoetatik babesteko eta horien kalteak saihesteko. First Lego League txapelketaren barnean garatu da proiektua, eta bigarren postuan gelditu da Euskadiko edizioan.

 

Beelieve ekimenaren helburua da kode irekiko teknologien bidez otsoak izutzea, artaldea eraso ez dezaten. Lehenbizi, ikasle-taldeak ikerketa bat egin zuen, jakiteko nola erreakzionatzen duten ardiek eraso bat jasatean eta zein faktorek uxatzen dituzten otsoak. Ardiek mehatxuren bat sumatzen badute, beren bihotz-erritmoa azkartu egiten da, eta elkarrengana urreratzen dira babes bila. Hala, gailu bat asmatu zuten -Arduinon oinarritutakoa- gai dena ardien pultsazioa eta geo-kokapena neurtzeko.

 

Sistemak aldagai bi horiek detektatzen dituenean –bihotz-erritmo altua eta elkarrekiko posizio hurbila-, abisu bat bidaltzen du artzainaren sakelakora, arriskuaz ohartarazteko. Alerta jasotzean, artzainak 30kHz-tik gorako frekuentziako soinu bat emititu dezake, ardiek entzun ez arren, otsoentzat oso desatsegina dena. Sistemak pultsometro bat, GPS bat, norabide emisore bat eta eguzki kargagailu bat dauzka, azken hori dispositiboa energiaz hornitzeko.

 

Beelieve sortu duten neska-mutilek prototipo bat garatu dute, eta orain gailuaren eraginkortasuna egiaztatzeko fasean daude. “Zakurrekin eta azeriekin probatu dugu, otsoaren familia berekoak direlako, ikusteko soinua uxagarria den eurentzat, eta oraingoz ongi funtzionatu du” azaldu du Julen Kortajarenak, lantaldearen arduradunetako bat den Begoñazpi Ikastolako irakasleak. “Hurrengo urratsa da proba otsoekin egitea, haiekin ere funtzionatzen duela ziurtatzeko”.

 

Ikasle taldeak crowdfunding kanpaina bat jarri du abian, proiektuari jarraipena emateko eta hobetzen jarraitzeko, eta horrela, Ciencia en Acción lehiaketan parte hartzeko. Ekitaldi hori urriaren 6tik 8ra egingo da Ermuan, eta Beelieve ekimenak dagoeneko lortu du bere proiektua aurkezteko espazio bat, Zientzia Azokako lehen sari teknologikoa irabazi ostean.

 

Hamar gazteek bederatzi hilabete daramatzate proiektuan lanean, zeinaren helburu nagusia baita STEAM ikasgaiekin lotutako gaitasunak garatzea. Denbora horretan hainbat ezagutza jarri dituzte praktikan: programazioa, biologia, energia berriztagarriak, komunikazioa, e.a. “Argi daukagu First Lego League txapelketan parte hartzearen helburua ez dela irabaztea, baizik ikastea” azaldu du Julen Kortajarenak, “garrantzitsua da ikasleek proiektuaren ardura hartzea, orduan ikasten baitute gehien”.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?