Euskal enpresaren blog-a Zure enpresarentzat garrantzitsua den eguneroko informazioa

14 urria, 2015
IK4-TEKNIKER makina erremintako simulazio plataforma berriak sortzeko europar proiektu bat lideratzen ari da

Ekimenak industriaren lehiakortasuna bermatzeko asmoa du.
Twin Control ekimenak 5,6 milioi euroko guztizko aurrekontua izango du.

IK4-TEKNIKER euskal zentro teknologikoa, makina erreminta eta mekanizazio prozesua integratuko dituen simulazio plataforma bat diseinatzeko urrian abiarazi den europar proiektu bat koordinatzeaz arduratuko da.

Twin-Control deritzon ekimen honen helburua, energia-eraginkortasuna eta mantenimenduko tekniken inplementazioa bezalako parametroak barne hartuko dituen prozesuen simulazio-tresna bat garatzea da, industriaren lehiakortasuna bermatzeko asmoz.

“Orain arte, simulazioko eredu teorikoek makina erreminta eta mekanizazio prozesua bereizita aztertzen zituzten, haien arteko inongo elkarreraginik gabe. Twin-Control-ek simulazio-eredu desberdinak integratuko ditu makinaren funtzionamendua eta haren mekanizazio prozesuak plataforma bakar batean eta era globalean aztertu ahal izateko”, ziurtatu du Mikel Armendia proiektuaren IK4-TEKNIKEReko koordinatzaileak.

Proiektu hau, industriaren aldeko teknologia-transferentzian oinarritutako ekoizpen-eredu berri bat sortzen ari den laugarren industria iraultza edo “Industry 4.0” deritzonaren testuinguruan gauzatzen ari da.

Urriaren 1ean abiarazitako ekimen honek 36 hilabete iraun eta 5,6 milioi euroko guztizko aurrekontua izango du, Europar Batasunak Horizon 2020 deritzon Ikerketa eta Berrikuntzarako Europar Esparru-Programaren bitartez emandako finantzaketari esker.

Emaitzak Europako ekonomiarentzat estrategikoak diren sektoreetan balioztatuko dira, automobilgintzan eta sektore aeroespazialean kasu, Renault eta MASA konpainien bitartez. Gainera, emaitzak zabaltzen lagunduko duten ereduak ezarriko dira fabrikazio-prozesuen ikerketako zentro pilotuetan: Sheffield-eko Unibertsitateko AMRCko Factory 2050 delakoan, Darmstadt-eko Unibertsitateko (Alemania) ETA-Factory deritzonean eta Euskadiko Aeronautikako Fabrikazio Aurreratuko Zentroan.

Ekimen honetan, Durangon kokatutako Gepro Systems ingeniaritza aeroespazialeko enpresak ere parte hartuko du, industria esparruko balioztatze-faseaz eta bete beharreko baldintzez arduratuko baita.

Proiektuaren nazioarteko partzuergoa Espainian, Frantzian, Alemanian, Erresuma Batuan eta Belgikan finkatutako unibertsitateek, industria arloko enpresek eta ikerketa-zentroek osatzen dute.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?