Euskal enpresaren blog-a Zure enpresarentzat garrantzitsua den eguneroko informazioa

22 martxoa, 2016
IK4-Ikerlanek 10 milioi euro inbertituko ditu datozen lau urteotan

Inbertsioa enpresako ekipamenduen hobekuntzara eta profesionalen garapenera bideratuko da

Marcelino Caballero, IK4-IKERLAN-en zuzendari nagusia

Europan duen posizionamendua tinkatu nahian, IK4-Ikerlan euskal zentro teknologikoak onartu berri duen plan estrategikoan, 10 milioi euroko inbertsioa aurreikusi da, datozen lau urteotan enpresako ekipamenduak hobetu eta profesionalen garapena bultzatzeko asmoz.

“Guztira, 10 milioi euro inbertituko ditugu gure azpiegiturak, laborategietako ekipamendua eta IK4-Ikerlan osatzen duten pertsonen garapen profesionala hobetzeko”, ziurtatu du Marcelino Caballero zentroko zuzendari nagusiak.

IK4-Ikerlaneko zuzendariaren hitzetan, egindako gogoetari esker, lehentasunezko ekintza-ildoak identifikatu ahal izan dira, bezeroenganako orientazioa, kasu.

Gainera, plan estrategikoan hiru espezializazio-unitateren araberako berrantolaketa aurreikusi da.

“Horietako lehena elektronika, informatika eta komunikazioetako teknologien unitatea da. Bigarrena energia eta potentziako elektronikaren unitatea da, eta hirugarrena Fabrikazio Aurreratuaren unitatea”, zehaztu du Caballerok.

Esparru horiek finkatzerakoan, zentro teknologikoak Europan egiten diren zaintza-lanei erreparatu die, IK4-Ikerlan partaide duten europar proiektuen bitartez, RIS 3 Euskadiko espezializazio adimenduneko estrategian eta Eusko Jaurlaritzaren 2020ko ZTBP programan ezarritako lehentasunak ere kontuan hartuz.

Zentro teknologikoko zuzendariak dioenez, ondo gogoan hartu dira “IK4-Ikerlanen bezeroen beharrizanak eta zentroaren indarrak”.

Arrasaten finkatutako zentro teknologiko honek langile-kopurua % 20 handitzea aurreikusi du, 300 pertsonako lantaldea osatu arte.

Caballeroren esanetan, Europa “giltzarrizkoa” da zentro teknologikoaren jarduerak garatzeko: “Abangoardiako zaintza estrategikoa egiteko aurkera eskaintzen digu, hainbat partzuergotan parte hartuz edota europar proiektuak lideratuz”.

“Europak ikerketa propioa finantzatzen lagundu digu. 2015ean 2,5 milioi euro atxikitzea lortu dugu, eta 2020rako europar finantzaketako 4 milioi euro lortzea espero dugu”, gaineratu du.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?