Euskal enpresaren blog-a Zure enpresarentzat garrantzitsua den eguneroko informazioa

13 abendua, 2017
Hiri zirkularretaranzko trantsizioa

Ellen McArthur Foundation erakundeak hirietako ekonomia zirkularrari buruzko ikerketa bat dauka abian.
portada del informe

Ellen McArthur Foundation erakundeak hirietako ekonomia zirkularrari buruzko ikerketa bat dauka abian

 

Gaur egun, hiriek munduko BPGaren %85 sortzen dute, baliabide naturalen %75 kontsumitzen dute eta negutegi efektua eragiten duten isurien %60-80 ekoizten dute. Datu horiek erakusten dute hiriek potentzial handia dutela ekonomia zirkularreranzko trantsizioa lideratzeko, biztanle gehienak hirietan kontzentratuta daudelako, baliabide gehienak hirietan kontsumitzen direlako eta aberastasuna sortzen dutelako.

 

Ellen McArthur fundazioa 2010ean sortu zen, helburutzat harturik ekonomia zirkularreranzko trantsizioa azkartzea, sortzaileen ustez horrek erantzuna eman diezaiokeelako erronka global handi bati: baliabide mugatuen gehiegizko erabilera, hondakinen etengabeko sorkuntza eta horrek planetan dauzkan ondorioak. Erakunde horrek hiru printzipiotan oinarrituta ulertzen du ekonomia zirkularra: hondakinik ez sortzeko sistemak diseinatzea; produktuen bizitza erabilgarria luzatzea balio gehien duten unean; eta materialak berraprobetxatzea berriro produkzio-zikloan sar daitezen. Fundazioaren ikerketa-ildo garrantzitsuenetako batek dio hiriak direla aldaketaren eragileak.

 

Cities in the circular economy, an inicial exploration azterlanak dioenez, hiri zirkularrek badituzte funtsezko elementu batzuk elkarrekin uztartzen dituztenak energia berriztagarrien erabilpena, diseinu eraginkorra eta teknologia digitalak. Eraikitako ingurunea eredu modular eta malgu bat da, zeinak aukera ematen baitu berrerabilpenerako, material birziklatuak erabiltzeko eta diseinu eraginkorraren bidez energia-gastua murrizteko. Gainera, eraikinek badituzte energia ekoizteko sistemak eta hiri-baratzeak.

 

Mugikortasuna ere ardatz garrantzitsua da, eta arlo horretan egitura intermodalak azpimarratu behar dira, hots, garraio publikoa, partekatua eta eskaerapekoa konbinatzen dutenak. Hala, auto pribatuaren erabilpena murriztuko da, eta hark okupatzen duen espazioari beste erabilpen batzuk eman ahal izango zaizkio. Bestalde, elikadura-sistema berriro diseinatuko da printzipio zirkularretan oinarrituta, eta hondakin guztiak berraprobetxatuko dira landa- eta hiri-nekazaritzan erabiltzeko, elikadurako hondakinak desagerraraziz. Prozesu horietan teknologia digitalek paper oso garrantzitsua dute, monitorizazioaren eta datuen analisiaren bidez eta aplikazio formako zerbitzu berriak sortuz.

 

Ellen MacArthur Foundation atarian eskura dagoen txosten horrek orobat aipatzen ditu hiri zirkularraren esparruan aztertzen jarraitu behar diren erronkak: nola ekonomia zirkularra baliagarri izan daitekeen enplegua sortzeko, hirian bizi-kalitatea hobetzeko eta hiriko komunitateen erresilientzia hobetzeko.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?