Euskal enpresaren blog-a Zure enpresarentzat garrantzitsua den eguneroko informazioa

21 iraila, 2017
Hiri jasangarria, IKTetatik harago

Basque Ecodesign Center-ek smart city edo hiri adimendunaren aukerak aztertzen ditu.

Basque Ecodesign Center-ek smart city edo hiri adimendunaren aukerak aztertzen ditu.

 

Une honetan, munduko biztanleen erdia baino gehiago hirietan bizi da. Prozesu geldiezina da eta portzentaje hori %66ra iritsiko da 2050erako. Kontrakoa pentsa baliteke ere, joera onuragarria da ingurumenarentzat, zeren jasangarriagoa baita hiri-gune oso populatuetan bizitzea landa-guneetan bizitzea baino, askoz txikiagoa delako landa-guneetako instalazioen, mugikortasun azpiegituren eta zerbitzuen aprobetxamendu-maila.

 

Basque Ecodesign Center Ideien Laborategiaren Smart hiria – Etorkizuneko hiri jasangarria argitalpenak dioenez, hiri adimendunek aukera sozioekonomiko garrantzitsuak dakartzate ekodiseinuaren bidez. Hiri adimendunaren terminoa hasieratik lotu zaio hiri konektatuaren ideiari teknologia digitalen bidez, halere askoz garrantzitsuagoa da hiri baten auzo, kale eta eraikinen planifikazioa. Hala, hiri adimenduna da “egungo eta etorkizuneko beharrizanak ziurtatuz, ingurumen printzipioetan eta printzipio sozioekonomikoetan oinarrituta garatzen den hiri adimentsu edo jasangarria”.

 

Basque Ecodesign Center-en arabera, sei irizpide orokor daude hiri adimendun bat hartakotzat hartzeko. Maila sozioekonomikoan, badira hainbat irizpide, hala nola, smart government, smart people, smart economy eta smart living, hau da, hiritarren parte-hartzea, integrazioa, pluraltasuna, sarbidea izatea zerbitzu soziosanitarioetara, erraztasunak ematea hezkuntza arloan, eta abar. Badira baita ere ingurumen irizpidea –zerbitzuen diseinua eta teknologia adimendunak- eta mugikortasun sostengarria.

 

Hiri adimendunak onura garrantzitsuak dakartza ingurumen arloan eta arlo sozial eta ekonomikoan. Hiri adimendunetan baliabideak modu eraginkorragoan erabiltzen dira eta gutxiago kutsatzen da, eta, horrezaz aparte, hiritarren bizi-kalitatea hobetzen da eta negozio-aukera berritzaileak sortzen dira. Baina badira hiri adimenduna ezartzeko hainbat oztopo. Teknologiei dagokienez, produktu eta zerbitzu askoren kasuan smart city kontzeptua ilusio bat baino ez da, gailu elektronikoetara mugatzen delako, hau da, erosotasuna dakarte baina ez eredu aldaketarik. Maila sozialean, badira hainbat ohitura oso errotuta daudenak eta aldagaitzak direnak, esaterako, ibilgailu pribatuarekiko mendekotasuna; bestalde, maila ekonomikoan, oso zaila da kalkulatzea inbertsioaren itzulkina eta, nolanahi ere, epe luzera bakarrik ikus daiteke.

 

Smart hiria argitalpena Basque Ecodesign Center Ideien Laborategiko ikerketa-ildoetako bat da. Basque Ecodesign Center lankidetza publiko-pribatuaren emaitza da eta bere helburua da ekodiseinuaren arloko proiektu berritzaileak sustatzea. Basque Ecodesign Center erakundea osatzen dute SPRI Taldea eta Ihobe erakunde publikoek, bederatzi enpresek eta bederatzi euskal klusterrek.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?