Euskal enpresaren blog-a Zure enpresarentzat garrantzitsua den eguneroko informazioa

5 urria, 2017
Haririk gabeko konexio azkarragoak lortzeko teknologia berriak

Ceit-IK4 zentro teknologikoa segundoko 100 Gb-erainoko abiadurako konexioak lortzea xede duen proiektu europar batean parte hartzen ari da
Proiektu hau irailean abiatu eta 2020raino luzatuko da

Ceit-IK4 zentro teknologikoa segundoko 100 Gb-erainoko abiadurako konexioak lortzea xede duen proiektu europar batean parte hartzen ari da

 

4.0 Industria delako paradigma berriak eta Gauzen Internetarekin (IoT) zerikusia duten teknologiek digitalki lotutako gero eta gailu adimentsuagoen garapena bultzatu dute, eta horretarako, nahitaezkoa da une oro abiadura optimoak bermatuko dituen haririk gabeko konexio egoki bat izatea.

 

Testuinguru honetan abiatu da Ceit-IK4 euskal zentro teknologikoa partaide duen DREAM deritzon proiektu europarra. Nonahi eta noiznahi abiadurarik goreneko haririk gabeko konexioa bermatzea da ekimen honen helburu nagusia.

 

Zehazkiago esanda, Europar Batasunak finantzatutako proiektu honek haririk gabeko teknologia berriak esploratuko ditu, segundoko 100 gigabiterainoko abiadurak eskainiko dituen konexioa segurtatu ahal izateko, 5 GBeko egungo potentzialtasuna hobetuz. Euskal zentroak ohar baten bidez jakinarazi duenez, honek egungo abiadura hamarrez biderkatzea ekarriko luke, zuntz optikoaren pareko haririk gabeko konexioa lortuz.

 

Proiektuaren bidez, sareko azpiegitura malguagoa eta egungoa baino merkeagoa garatu nahi da. Horretarako, ikertzaileek proiektuari diziplina anitzeko ikuspegitik ekingo diote, erdieroaleen nanoteknologietan, irrati-frekuentziako zirkuitu elektronikoetan eta sareko arkitekturetan izandako azken aurrerapenen laguntzaz.

 

Finlandiako Teknologian tutkimuskeskus VTT Oy ikerketa-zentroak koordinatutako proiektu hau irailean abiatu eta 2020raino luzatuko da. Ceit-IK4rekin batera, Europako beste hainbat erakunde proiektuaren partzuergoan sartuta daude: STMicroelectronics, III-V Lab, Erzia Technologies, Alcatel-Lucent Italia eta Paviako Unibertsitatea.

 

 

 

Ceit-IK4 enpresaren aurkezpen bideoa

Basque Industry 4.0 20 uztaila, 2021
Alias Robotics konpainiak robotikako ziberdelinkuentziaren aurkako nazioarteko talde baten burua

Argitalpen bateratu baten bidez, Alias Robotics, Trend Micro eta Alpen-Adria-Universität...Leer más

Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

n operario utilizando una de las soluciones de Kaytek
Basque Industry 4.0 19 uztaila, 2021
Kaytek: “Gure plataformak enpresa baten ekoizpen osoa automatizatzeko aukera ematen digu”

Ekoizpen-industria askok aurre egin behar dieten arazo handienetako batzuk fabrikazio-prozesuen...Leer más

Basque Industry 4.0 16 uztaila, 2021
Eusko Jaurlaritzak 2,3 milioi euroko laguntzak eskainiko ditu aurten 4.0 Industria azkartzeko

  Eusko Jaurlaritzak 2,3 milioi euroko laguntzak eskainiko ditu aurten Basque Industry 4.0...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?